ISAYA 28:7 - Biblía Axweesantá Hhohho' ar Mungú 2004

⁷ Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 28:7 Iomraidhean Croise

WARA'AMI 107:27

Kina baraadá' wa kwaakwaáhh nari ta/maamitiyé' adór múk aa oonimiit, fuqurangw'ín oo hi'iitanór baraá ma'aay iri faák.

AXWEESANOÓ SAGALOOA 20:1

Difaái hee gun niqár eér, xufta hee gu tsimaahhír ar eér, nee heé muruuwí gu slaá' i sagalooár konká.

AXWEESANOÓ SAGALOOA 23:30

A mukdá' bihhaá xuaimaaká baraá difaáiro, an mukdá' difaáír ta sangw slaáx ga didá' wa haratsaqamiím.

DAHARUSMO 10:17

Yaamuudá' taa sawaawuti'ii'in nee na/oó doó waawutmo a yaamaá amohhooá', nee geeraharuuser'ín muruú /aymár úr gun qamiín qoomár hariima, in /ayiná' as /uuru nguwa slaya' nee tawa oonimitiiká.

ISAYA 19:14

AAKOÓ MUNGÚ inooín gina inslawoó tlaahhírí kwaáhh, inooín múk Misri nguri leexuyé', baraá muruuín kudá' sleémeero ta tlehhiiti. adór xufutusmoó ta/amiít oo hara wa/amiím.

ISAYA 22:13

Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

ISAYA 24:2

Baalaadae gadaádá' muu gu slaw, kaahamusmo gu sleér sleeme, nee gár lawaalmo gu slaw, aakoowós gu sleér sleeme, nee gár lawaalo'o ga slaw, aayór do' loo' ga sleér sleeme, nee gár heé tlaxuúm gu slaw, heé weeramiís gu sleér sleeme, nee gár heé kirkiít gu slaw, heé ta kirkiti gu sleér sleeme, nee gár heé ta iinuusi gu slaw, kudá' iinuús gu sleér sleeme.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 29:11

Iigu'utuú muruuwí sleémeero birna dirhúngí hardáh, tari adór axweesanoó taa baraá kitaábií gooín oo taa tuuntuúk kuri dugnií qaás. Kitaábuudá' bura húp dír heé soómár xuú', kuri beér, «Gám kitaábuuwí soomusang.» Inós in ooi, «Anuú aslawká asma kwa dugnií qaás.»

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

ISAYA 43:27

Baabuúhúng kudá' úr tlakweema gina tleéhh, kudá' múk haraki/imisá' aníng ina tlakweemáy tleehhiyé'.

ISAYA 5:11

Tsaxwaaín kudá' matlaatleero tseewa tlatlaawá' as tawa xuftár ay, kudá' dal'aa'atá' xweeraawo, tam difaái iri adór asla tleehhít baraá gur'er'ine.

ISAYA 5:22

Tsaxwaaín kudá' sleémeero xuftár difaái ngi baalá', nee hhawaateedá' ilakaaharen difaáír aa hamat aleedogituuwo.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 23:13

Baraá tla/ángw aaruusér Samariaro gár ló'wa buhhtamis aga ár. Inooín nina aariiriné' ar umuú Ba'ali, muk'eé' oo Israeli nguri qwaareesiyé'.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

ESEKIELI 13:7

Xáy, aníng kuungá' nu yaahaás, iigu'utuú lamtá tawo ugwa kati'iikáhe, nee aarír al/ayma aga oiindí'iíke? Kuungá' a kata' an axwesá' ar umuueé', tam aníng kuungá' naa baloó ádbawiikahe.›

ESEKIELI 44:21

Kaahamusmoó Mungú difaái mingiwa wáh, qoomár bir dah dír afeenidár baraá guruú do'.

HOSEA 7:5

Baraá deelór ur ar waawutmoowo múk urén kuri xufiitimiís iri baa/umiit oonitameero, waawutmo nee niquuse tari dinku'umiís.

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

HABAKUKI 2:15

«A tsaxwaawók kuúngudá' inslaawmoowók ugwa wahas ar gár oonitimis nee qara kuwa qamiin baraá difaái as kahhó' /aankwetsuín kuwa aan.

HABAKUKI 2:16

Gár tawa háts a mureekesaay ta xirfuuwo, kuúnguú kilá' na waheek daqaní ta ta/amít, kuúng tari adór heé ta hheehhe'eesiiká. AAKOÓ MUNGÚ kuúng u wahaas ar aleesleemuuwós, mureekesoó yaariír u dabár ót ta xirfuuwo.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Efeso 5:28

Gawaá adoorihe hhawaate gár kiwa hariím a /ameenar'ín kan slaa' adoodá' slaqooín kir slai. Asma heé hareerós ga slaá', inós ti kilós slaa'.