ISAYA 28:6 - Biblía Axweesantá Hhohho' ar Mungú 2004

⁶ Dír mukdá' kwasleemadaá tlaaqa, inós in qeeru tleehhiit oo kwasleemár ganaa', iri /uuru tleehhiit dír mukdá' gixsár xuuma.

ISAYA 28:6 Iomraidhean Croise

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

2 QOM'I 32:6

Muu sleémeero baraá gixsaro guri burumbuúr dír tseetsee/amtá afkú gixsa. Geeraharusmoó slaqwaruuse guri xuumusmooín wa qaás, muu guri i axweés tawa mune hhe'eesi, giri báy,

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

AXWEESANOÓ SAGALOOA 20:8

Waawutmo bira iwiít gawaá kitaangós oo sakwasleema, tlakweema sleémeero gi hariitlees ar ilaawós.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

SEKARIA 12:5

Mukdá' urén oo Yuda tari baraá muner'ínií ooi, ‹Yaamuloouusér Yerusalemu /uuru gwaa sleér dír AAKOÓ MUNGÚ Munguúín, kuduú Aleesleemusmo wa ale.›

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

DABE 20:4

Asma AAKOÓ MUNGÚ, Munguúhúng i dinkwa nee kuungá' baraá slaqwaraaro. Inós i slaaqw kitangwhúng wa ale, amór wakuuserhúng, nee nuri baalírí haniis.›

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»