ISAYA 28:4 - Biblía Axweesantá Hhohho' ar Mungú 2004

⁴ Xirfuuín oo hhohh'aari aa qwaár adór /ayór aa kat, xirfuudá' baraá xatstá wahhaárí dirií', iri adór /aantsí tleehhiit ar aa hamat qoomár age iwa ti'imiiti, hee birnga ár gan buu' gari /aay hamtidár kilá'.

ISAYA 28:4 Iomraidhean Croise

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

HOSEA 13:1

Múk Efraimu iwa ilawaáts, muu iri daaraxaát, múk Efraimu iri iiatleerúy baraá Israeliwo, ala mungú Ba'ali nguri sluufmisiyé', tari qaátl as adoorí.

HOSEA 13:15

Inós tam i diihhe'eesi ta hhaeewose, ala AAKOÓ MUNGÚ fur'a ngi da/aá wa kwaahh ar baraá xaanxoó daahh. Kutlaay sleémeero guri kahás, hhaleeri'ín sleémeero giri /oomés. Daqaari'iimar'ín sleémeero ar afhhamít gari ar darát.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

HOSEA 9:16

Múk Israeli kwaa muúx, dee/aruín aa káh, mamu ngi laqwaliaaká. Tam na/ii ngi laqwaalia, aníng na/ii'ín kudá' i sla'aa'ana' in tsuú/.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

NAHUMU 3:12

Koo/irók tidá' gawit sleémeero tay adór /aantsír geeraawo aa hamat, ala qoomár barka diingiís in páhh gawaá afkú heé ga /aáy.

Geehhoeemaá 6:13

Tsatse/ iri paáhh yaamií alé adoodár na/aá /aantsí awa naa hamaari'iiká kir paahhamaamisi qoomár bar ka diingiís nee bambaaór yaariir.