ISAYA 28:29 - Biblía Axweesantá Hhohho' ar Mungú 2004

²⁹ Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 28:29 Iomraidhean Croise

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 5:9

Mungú an kudá' muruú urén tlehhiít, muruudá' hee aldakwto i aleeslayká. Inós sleeme an kudá' muruú waa/o/amór tlehhiít, kudá' farooro ya/aamaaká.

WARA'AMI 118:23

Gaarí an tidá' AAKOÓ MUNGÚ aa tleéhh, a gár ló'wa waa/oo/amo dír ilaarene.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 92:5

AAKOÓ MUNGÚ, adoodá' tlehhmi'iiwók kir urén, direne inslawaywók ku gawít tsaahharo.

WARA'AMI 92:6

Heé daktani muruuwí gu tsaahhiiká, tam heé tliíf ga xuiiká sleeme.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

ISAYA 28:28

Dooslusmo bir aangaánó slahhán, gu muxaxinká ay dír i naasuuti. Adór angaáno kur muxi ar gaárír awe ga xuu', tam ilemidaá angaáno gi tsu/iiká.

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?