ISAYA 28:19 - Biblía Axweesantá Hhohho' ar Mungú 2004

¹⁹ Umuúqo baalár amotlakwe iwa ayaahúngár waarahha aqo nun dásl, umuú matlaatlér xawa aqo nun i hardát, umuúqo tlaatla/ango nee xweeraawo, kángw adór kwí kuwa axas i ló'wa dae tlaaq.

ISAYA 28:19 Iomraidhean Croise

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 WAAWITÁ 18:13

Qoomár kurkú mibaá nee tsiyáhh oo waawuti'iimár Hesekia, waawutmo Senakeribu oo Ashuru gixsadaá Yuda sleémeero kudá' taa tleéhh ar koo/ír gawden gina i haratláy, nee giri hayóh.

2 WAAWITÁ 21:12

gawaá adoorihe Anuú AAKOÓ MUNGÚ, Munguú Israeli a kah, qaytsiít aníng amotlakwe ngi huúw daanduú Yerusalemu nee Yuda, tí umuú heewo birnga axaás iaawós giri oh.

2 WAAWITÁ 24:2

AAKOÓ MUNGÚ guri xoordií tleés, xoorór Babuloni nee ar Aramu, nee ar Moabu, nee ar Amoni, yaamaá Yuda kiri i haratláy, nee yaamuudá' kiri hhaamiís adoodá' aáng AAKOÓ MUNGÚ aa oó' ar afér aaruuseerós.

YOBU 18:11

Kun dae tlaaq badu sleémeero ar daér hhamhhám, umuú qoomaaro dae gan ar hoot.

YOBU 24:17

Asma ma/ami dir'ine an matlaatle, inooín a mulqér ma/amír de'e tlaaq.

YOBU 41:9

Umuúqo heé Lewiatani gaa ari hor/i gun eér iri gáwtá wá huu'.

YOBU 6:4

Ar ló' maheeraá Munguúdá' /uuruú koóm iga mutiyé', nee hhiintluueé' qarkuudá' guri sláy. Mungú iga ló'wa dae tsaát.

WARA'AMI 55:4

Muunaáeé' i slahhahhaa', daér gwa'ara iga eér.

WARA'AMI 88:15

Iimír masoombi'iimar'eene slahh'amu una /aa/aáy tsaxwaá gwa'ara in wa /akumaamiít. Aga ló'wa slahhaá' as muxtaarók.

ISAYA 33:7

Ga/aawaak, muk'ín oo miguuse i baraá lohdu wa /aa/amín, ya/abuuser'ín tidár wayda /aa/eewo aa slahhá'.

ISAYA 36:22

Aluuwo Eliakimu garmoó Hilkia nee goousmo Shebna nee Yoa garmoó Asafu kuduú muruú inslaslángw wa hariím gu gooiím tari amór waawutmo Hesekia káy, tlabaaín ngaa feehhamiisiyé' muruudá' sleémeero oo geeraharusmoodá' aa aaín nguri alki/iitiyé' dír waawutmo.

ISAYA 37:3

Nguri bayé', «Waawutmo Hesekia i kaahi, ‹Laarí a baalár gurhaami, nee ar tiwa iigahhmiiti, nee ar tiwa mureekeemisi, atén a adór /ameenír xwaylár slaa', ala /uuruú ir /uumpu'us i kaahh.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

YEREMIA 19:3

Ki beer, kuungaá waawituú Yuda nee yaamuloouusér Yerusalemu, iia qaasaak! AAKOÓ MUNGÚ Aleesleemusmo, Munguú múk Israeli, i kaahi, ‹Ar ló' amotlakwér tlakw ngi baraá yaamuukií huúw, umuú heé kaangwí gwaa axaasi i ló'wa da'ayuut.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 4:9

AAKOÓ MUNGÚ i kaahi, «Baalaadae pihh'uumár waawitá nee ar geeraharuuse in fák, nee kaahamuuse iri mafá', nee aaruuse iri da'ayút.»

YEREMIA 6:24

Múk Israeli tari oó', «Atén kangw'ín ugwa axaasaán, dabaarén na tsatmiitiyé', amotlakwe taa sleér, slahh'amuú adór kuquú /ameenír xwayla taa sláy.

WA/AA/I 2:22

Kuúng wakuuser'eé' ana iigu'ús adór múk deelór ur ngi áw, wakuuser'eé' i dae tláq umuú bihheero, baalaadár buhhtaá AAKOÓ MUNGUHE heé kotsqoót laqaá oo /úw i kaahh. Na/iieé' kudá' naa du'umiís nee naa umiím kaa hhaamiís nee wakuuser'eé'.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

1 SAMUELI 3:11

AAKOÓ MUNGÚ Samueli guri báy, «Ga/aaweek gár muu gu dae tsaat an tleéhh baraá Israeliro, tam umuúqo heé ga axaasa iaawós gay oh.