ISAYA 28:17 - Biblía Axweesantá Hhohho' ar Mungú 2004

¹⁷ Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 28:17 Iomraidhean Croise

2 WAAWITÁ 21:13

Aníng hhutlmooduú qoomeemes oo Samaria ngira qoomeés, nee doó Ahabuwo, un gixsár Yerusalemúr qoomeés. Aníng gixsár Yerusalemu an paapa/aás adór hee qwaree/amo ngur xusaasin, guri xoptis.

YOBU 22:16

Mukdá' kuna fiíts dír qoomar'ín ira xeeriiká. Hota sleémeero kiri guú/ nee ma'aay.

WARA'AMI 94:15

Sakwasleemár ganaa' i ki/, sleémeero kudá' hota ganaa'á' ngi eehariyá'.

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 30:28

Hiinsluuwós a adór yaaér wa/amiim, adór yaaér aa hats ay isa, as xoordu ngiwa baraá guruú tuumbírár uhisi as ngiwa hhaamisi, nee hima nguwa tseegi gawaá taqesamaá xoordu oo gi huúw baraá qwanaay.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

YEREMIA 19:7

Diirihe aníng múk Yuda nee oo Yerusalemu muruuín kudá' ta qoomeemesi un hhitiím. Aníng wakuuser'ín a baalírí haniís, nee inooín kiri tsuu/ baraá slaqwaraaro. Aníng tu'uuín in máw as tawa muruú /aymár tsir/o nee makaá sla/a.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 7:14

Gawaá adoorihe kangwdá' naa /imiís dír Shilo un /imiís dír Do'owí taa umuuér ateét, Do'owí kuungá' ta harahhifa', diirí naa kuungá' i haniís nee xwaylitérhúng.

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

DANIELI 11:22

Slaqwaruuse dinkwa nee kaahamuusér Doó Mungú gi slururu'uus.

NAHUMU 1:8

Ala ar alwuoodá' wa/amiima, hotaá wakusmoowós gin qwaarees, wakuuseerós gari guus ay baraá giwti.

Matayo 7:27

Tluwaay iri tluúw, yau nay wa/iyé' amór dó' i alé, nee fur'a guri i fukuukú', do'dá' guri diingís iri huú'. Nee adór do'dá' ira huú' ka ló'wa slasla/aar.»

Rumi 2:2

Kuungá' a kata', «Atén a xuaán, sakwasleemár Mungú dír múk tlehhmi'iiká tlehhiita a sakwasleemár ganaa'.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 9:28

Adoodá' Mungú aa oó' ngiwa tleehhi, inós adoodá' ga tleehh ar gaanslaay, axweesantós gari boo/ees baraá yaamuwo.»

YOSHUA 10:11

Qoomár múk Amori tawa ta'aaín geetuú Bet-horoni as tawa waaraahhi dír slaqwaruusér Israeliwo, AAKOÓ MUNGÚ tluwoó tlaa/e guri huúw, inooín tluwaay giri i tlubaabín ay Aseka. Tluwoó tlaa/e múk yaariír gway tsuú/ ta kudá' taa tsu/i nee slaqwaruusér Israeli.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 16:21

Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

Geehhoeemaá 8:7

Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.