ISAYA 28:16 - Biblía Axweesantá Hhohho' ar Mungú 2004

¹⁶ Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 28:16 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

WARA'AMI 87:1

AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 54:11

«Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

SEKARIA 10:4

Baraá tlahhoó Yudawo tlaa/ár iihhafiiri ni ti'ít, baraaine kiki'ír heéma ni ti'ít, baraawose ga/alér slaqwara ni ti'ít, baraawose waawituú yaariír ni ti'iit.

SEKARIA 3:9

Tlaa/anoowí naa qaás geeraá Yoshua ga/aawaak, inós gitsee/e ngi kon faanqw, aníng gooi an tleéhh gawaawósí ale, án tlakweemaá yaamuuká' in hingeés looár wák ale.

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›

Marko 12:10

Tam gooirí aga soomusi'iiká xáy? Tí kah, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy.

Rumi 10:11

Asma Gooi i kat, «Heé inós gwa haratlintii' ku mureekeesiiká.»

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

1 Korinto 3:11

Asma iihhafiirír taa qaroó qaás a Yesu Kristo. Nee heé iihhafiirír hatlá' qaasaro ga aleesláw i kaahh.

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»