ISAYA 28:1 - Biblía Axweesantá Hhohho' ar Mungú 2004

¹ Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 28:1 Iomraidhean Croise

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 QOM'I 28:6

Peka garmoó Remalia slaqwaruusér Yuda ar kume tsiiruú wák nee mibeeri tsár gana tsuú/ baraá looár wák i ale. Adoorí ina tleehharút asma inooín AAKOÓ MUNGÚ, Munguú baabi'ii'ín nguna geexayé'.

AXWEESANOÓ SAGALOOA 23:29

Múk tawo uuamamiím a gaalá? Múk gurhamuút a gaalá? Múk gilaaliím a gaalá? Múk qununu/umamiít a gaalá? Múk inkahha'aá gaa wasl gi koóm a gaalá? Múk ilaaín naa da/tuutuye' a gaalá?

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 5:11

Tsaxwaaín kudá' matlaatleero tseewa tlatlaawá' as tawa xuftár ay, kudá' dal'aa'atá' xweeraawo, tam difaái iri adór asla tleehhít baraá gur'er'ine.

ISAYA 5:22

Tsaxwaaín kudá' sleémeero xuftár difaái ngi baalá', nee hhawaateedá' ilakaaharen difaáír aa hamat aleedogituuwo.

ISAYA 8:4

Asma dír na/aywí axweesani ngira aleeslayká, daqaari'iimár Damasko nee haasaánguú baraá Samariár daáhh kin huuw amór waawutmoó Ashuru.»

ISAYA 9:11

AAKOÓ MUNGÚ múk gi tlampa'amiís ngu huuw, nee gin wakuuser'ín i /agis.

ISAYA 9:8

Aako /aymu guna oó' dír Yakobo, iri hardáh dír Israeli.

ISAYA 9:9

Muu sleémeero gari xuu', múk tlahhoó Efraimu nee kudaádaá' yaamuloouusér Samariawo, ala kudaádá' axweesá' ar daara/aangw nee ar taqanaa/i. Inooín i kaahiyá',

HOSEA 4:11

Sli'ima nee difaáír qaren, nee difaáír /aben sagalooár muu gan hingeemís.

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

HOSEA 5:9

Aníng múk Israeli bura slaáhh iri deewaa' baraá tla/ángw tlahh'aá Israeliwo, kaangwí naa oó' oo ló'.

HOSEA 6:10

Baraá doó Israeliwo gár ni waak aga ár. Fuqi ana ár dír múk Israeli, nee inooín sleeme tiri kilooín slasla/areesiyé'.

HOSEA 7:5

Baraá deelór ur ar waawutmoowo múk urén kuri xufiitimiís iri baa/umiit oonitameero, waawutmo nee niquuse tari dinku'umiís.

TLAHHOÓ LAÁWI 26:19

Aníng daara/angwhúng un faák ar tluwaay nguwa ilaa/, asma doori in gawdeés adór muqsli, nee yaamuuhúng in gawdeés adór muqslír sirdaa/aat.

AMOS 2:12

«Ala kuungá' mukdá' al'axweesanoó qamiím una xufiitisé' difaáiro, aaruuse kay beeré', ‹Ma aariirimaara'.›

AMOS 2:8

Umuúqo dír kitángw ilahhooa i dirii'i, inooín tan qaqatín gawaá tlabaá taa arhaanír wa ohín nee baraá doó Munguúine, difaáír ta xufi an tidá' tinda iinúr bu'ún.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

AMOS 6:4

Tsaxwaahúng kuungaádá' qaqtimá' baraá qateenaá taa parootuús ar xareemaá daawe, nee kudá' ti alduxuumá' gawaá qateenoodá' bununuuqá' wa alé, fu'unaá deeloó bee/aangw kiri /agá' nee tari damaá lehhitá' baraá slumo.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»