ISAYA 27:9 - Biblía Axweesantá Hhohho' ar Mungú 2004

⁹ Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 27:9 Iomraidhean Croise

2 WAAWITÁ 10:26

nee uhmoodá' taa paraátl as Ba'ali kuri tsee/áy duúx kuri daá/ ar asla.

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

2 QOM'I 14:5

Inós sleeme kiteeraá munguaá hatlá' kiwa sluufmamisi, kudaá gawaá gongooama' nee kiteeraá mooyángw tsuú' kuwa hanmamisi, gina hingeés baraá gixsadaá Yuda sleémeero, nee yaamuuwós niri waydúr hootiyé' qoomár waawuti'iimarose.

2 QOM'I 34:4

Kiteeridá' ta ilahhooa hanmaamisi dír Ba'ali kina dír geeraawós wa daraáhh, kiteeridá' taa gáwtí tleereés ta mooyángw i da/aa/an inós gina sií'. Munguúdá' ta bay Ashera kuri naasúy, nee slaqsa'aá hatlá' kudá' taa hhasliít nee awa taa kwahhuuti, teeridá' gari kwahhtá áy gawaá /antaá mukdá' aáng slaqsi'iiká' gaa sluufmaamiis.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

WARA'AMI 119:67

Qoomár iwa muxiká ana dee/aanuút, ala daxta axweesantók a iiárií qamiím.

WARA'AMI 119:71

Gár hhoo' aga sláw baraá slahh'amudá' naa slawi, asma iga intsaahhatís kaahiroge.

TI'INAANGW 34:13

Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

AXWEESANOÓ SAGALOOA 20:30

Hee bur kwa muúx dee/aanu i babáy, Hhara inslawoó hee gu hheehhe'és.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 48:10

Ga/aaweek, aníng kuungá' naa kwahhuút ala a adór peésa kar kwahhumamitiiká ar baraá asla. Nun iiár ar slahh'amaayér hhamhhám.

ESEKIELI 11:18

Kuungá' bar aga ki/é' baraá yaamuuhúng, aníng muruudá' slasla/arén un hingeés, nee kudá' sleémeero i buhhtamís un hingeés.

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 6:4

Kitangwdá' ta ilahhooár i hanmaamisi ku hhitín, nee kudá' ta mooyángw tsuú' i da/a/aanda' ku geqaaqáy. Múk taa tsuú/ u kwaáhh dír geeraá slaqsi'iidaá mungui.

DANIELI 11:35

Muu bahh'ale kuduú sagalooár koóm ku tsuu/ as inooín kiwa hhoohhooeesi, nee kiwa hamaatli ay qoomár alhhe'eesaay, asma alhhe'eesaay hamí aa xayká.

HOSEA 14:8

Aá múk Israeli, gár slaqsi'iisíng kis sla'a? Aníng firorhúng ngin mu/aywatsatsiím nee nun amohhe'emaamiís. Aníng a adór xa'anoó mahhtírhúng oo ta bay beroshi, kudá' qaantsaár daqisleém. Kuungá' mamuuhúng in dir'eé' wa sleerá'.

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

MIKA 5:11

Aníng gixsadaá yaamuuwók i hhitiím nee gixsaduuhúng kudá' koo/i gawden in daáhh.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

Rumi 11:27

Alqadoorí an alqadoodá' aníng ni tleehh nee inooín, qoomár tlakweemaaín bira hingeés.»

1 Korinto 11:32

Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

DABE 12:3

Kiteeri'ín kudaá ilahhooa fee/aak, nee tlaa/eedá' taa sihhtimís as kiwa sluufmiisi parhhamisaak. Slaqsi'ii'ín kudaá Ashera hhaamiisaak ar asla, nee slaqsi'ii'ín kudá' taa dakuút, umer'ín amór saáwí hhaamiisaak.

Ebrania 12:6

Asma Aako umuúqo heé i slai aqo gun iigahhamiit, nee umuúqo garmoó aa slaá' aqo gun muux.»