ISAYA 27:7 - Biblía Axweesantá Hhohho' ar Mungú 2004

⁷ Mungú inooín gaa qo sláhhi ar adoodá' mukdá' inooín gaa slaahh ngura slaáhh? Laqaá inooín ka qo tsú/i ar adoodá' mukdá' inooín gaa tsuu/ ngura tsuú/?

ISAYA 27:7 Iomraidhean Croise

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 17:14

Muu ngun mak dae tsatiyá' qoomár tsiindoowo, ala koonkomo iwa uui inooín i qaroó kahhiyá'. Mukdá' muruurén gu hayoohiím kun adoorí laaq, nee kudá' muruurén hara/uuntsimá' tí gi sleér.

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 30:31

Xoorór Ashuru iri da'ayút qoomár afór AAKOÓ MUNGÚ birnga axás nee birnga muúx ar hhartós.

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

YEREMIA 50:40

Adoodá' aníng gixsadaá Sodoma nee Gomora nee gixsadaá inslaaway'ín ngira hhitiím a adoorír kilá' heé baraadá' i hotaá áw i kaahh. Nee garmoó hee oo baraadá' i deél i kaahh. Anuú AAKOÓ MUNGÚ tí ngina oó'.»

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

NAHUMU 3:19

Heé iinkaahhaywók ngu tse'eemiís i kaahh, iinkaahhaywók kwisíng i tsu/uut, kudá' sleémeero kangók ngwa axaasiyé' tsa/ii'ín ngin slahhiyá. Asma heé taa slahh'eská ar tlakweemaawók kudaá daqisleém a heemá?