ISAYA 27:4 - Biblía Axweesantá Hhohho' ar Mungú 2004

⁴ Qaymor'ee' tí a i buhhaaká, barnaxes laqaya' nee fuquráy ngaa i haratlayé', aníng an slaáqw nee laqaya' nee fuquráy, ngiri dinkwaárí daá/ sleémeero ar asla.

ISAYA 27:4 Iomraidhean Croise

2 SAMUELI 23:6

Ala kudá' sleémeero Mungú ngwa ilaiwawa/ii'iiká, a adór laqayaá taa kwaáhh, asma taatahhár daba' ngi ya/ana'aaká.

2 SAMUELI 23:7

Heé gi oohár wa slaá' aqo paánga gan kón laqaá magolmoó xa'ano. Mukwí kun qororo'oos ar asla.»

WARA'AMI 103:9

Ti i gilinká umuú deelooro, buhhtaawós i adá faakiyá'.

WARA'AMI 85:3

Buhhtaawók sleémeero iga ilá/, mune sleémeero aga gú/.

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 33:12

Xoordu kin daa/ adór múk busluú /awák gu tlehhiít tari adór laqayaá ta tsaát kiri qaás baraá asla.

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 29:11

Asma anuú AAKOÓ MUNGÚ a xuú' gár ni kuungá' i qoomeemeés i deer. Gár nuy qoomeemeés a wayda, ala a amotlakweerooká, kuungá' masók harahhifo a sleerá' aluuwo.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

MALAKI 4:3

Kuungá' mukdá' tlákw kuri adaratá', asma inooín tay adór da/ara baraá tsa/aá ya'aahunge, baalaadá' án gadiyér'eé' bar tleéhh.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Ebrania 6:8

Ala yaamuudá' gár naa laqwaliyé' bar laqaya' nee fuquráy, gár i buiya' i káhh. Yaamaá adoorí kaa nak/aás lu'usaro nee Mungú. Alhhe'eesaywo ki daa/ ar asla.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,