ISAYA 27:3 - Biblía Axweesantá Hhohho' ar Mungú 2004

³ Anuú AAKOÓ MUNGÚ an dooslusmoowós, umuú qoomaaro an ma'áy eemamiís, an xumxaaxuúm xweera nee tlaatla/aango, as hee mingiwa hhitár áy.

ISAYA 27:3 Iomraidhean Croise

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 9:9

«Ga/aawaak, aníng hamí alqador'eé' ngi kuungáí haniís, nee xwaylarhúng.

1 WAAWITÁ 8:59

/Aymi'iieé' kukaá firo dír geeraá AAKOÓ MUNGUHE, masók in tseewuyá' dír AAKOÓ MUNGÚ, Mungurén, tlatla/aangw nee xweeraawo, nee inós sagadiyusmoowós ngu aleesleemuú i slay, as mukós oo Israeli diihhooa ngiwa slay baraá hotaaine deelo sleémeero.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:24

Ala aníng AAKOÓ MUNGÚ tari Munguúín nee sagadiyusmooeé' Daudi tari geeraharusmooín. Anuú AAKOÓ MUNGÚ tí ngina oó'.

ESEKIELI 37:14

Aníng qeeruueé' un baraahúng i qaás, nee kuungá' tari slafá', aníng kuungá' nuri male ki/ís baraá yaamuuhúng i ale. Daqaní kuungá' a tsahhá' adór anuú AAKOÓ MUNGÚ tí ngira oó', nee aníng an tleéhh. Anuú AAKOÓ MUNGÚ tí ngina oó'.»

ESEKIELI 37:28

Qoomár bar aníng dír hotaaeé' aga baraá tla/angw'ínií tleéhh ay alhhe'eesay wasle, xoordu ngin tsaahhiyá' adór anuú AAKOÓ MUNGÚ, múk Israeli ngur heehhe'eemiís.»

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.