ISAYA 27:1 - Biblía Axweesantá Hhohho' ar Mungú 2004

¹ Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 27:1 Iomraidhean Croise

YOBU 26:13

Doori gina paapa/aás ar hiinsluuwós, nee dayshamoodá' ti gileéhh guna dakós ar muút.

YOBU 3:8

Da/aluuse baalaadá' ngi lu'us, mukdaádá' sagalooár makiito'ooda' ta bay Lewiatan kawa baali ga koóm, baalaadá' ngi lu'usi.

YOBU 40:19

«Makiito'oorí ar geera baraá makaá naa tleehhi awa waa/oo/amór kooma'a. Heé ga baál a har anínguwí oo Tleehharusmoowós.

YOBU 41:1

«Xáy, kuúng makiito'oodá' ta bay Lewiatani ooharo a aleesleéra ar baratsufaay? Laqaá kawa afaa tsek ar hima a aleesleéra?

WARA'AMI 104:26

Meélír aa'aá kakaw ar daanduú ma'aay i deer, Lewiatani, kudá' taa tléhh in baraadá' wa neet.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

YEREMIA 51:13

Kuungaásíngá' afaá ma'áy wa hootá', daqaarér muruú yaariír, alhhe'eesayhúng naa hardáh, taamír slafingwhúng ka tsaat.

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

AMOS 9:3

Inooín tam ta nahhmituú aya gawaá tsitsantá tloomár Karmeli, in gawaadá' wa kwarkwaár, tam naa nahhaatiyé' baraá iltá tlawi as ngiwa araaká, dayshamo un ya/aáw amoodá' i ale as ngiwa baraadá' wa /ur/uri.

Geehhoeemaá 12:3

Layár hatlá' iri geehhouúr gawaá doorí wa ale. Layaarí a dayshamoó yangaariír oo daa/aát. Dayshamoowí sage ngi kon a faanqw nee xareemi a mibaangw. Nee gawaá sageerose gár i kon a slam'aá faanqw.

Geehhoeemaá 13:11

Aluuwo makiito'ór hatlá' ngiri ár. Makiito'oorí i ti'imít yaamuú wa ale. Makiito'oorí xareemiwós a tsár, a adór xareemaá deelmoó bee/i. Makiito'oorí bir axwés afoorós a adór tidár dayshamoó úr.

Geehhoeemaá 13:4

Dayshamoodá' úr kuri sluufmiís asma adoodá' makiito'oodá' ngiwa aleesleemuú i haniís. Makiito'oodá' sleeme kari sluufmiís, tari káh, «Heé slaqás nee makiito'oorí a heemá? Nee slám heé makiito'oorí ga aleesláw slaqwaraaro a heemá?»

Geehhoeemaá 16:13

Aluuwo qeeruú tám oo slasla/arén nguri ár, oo slaqás nee aamaxupa. Qeeruuwí amór i dahhi a baraá afkú dayshamoodá' úr, nee baraá afkú makiito'oodá' nee baraá afkú aarusmooduú lama.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.

Geehhoeemaá 19:21

Nee mukdá' aa meet kuri tsuú/ ar paángár kudá' aa iwiit gawaá daanduú faraási. Paángarí dír i dahh a baraá afkós. Nee tsir/o sleémeero iri áx fu'unay'ine.

Geehhoeemaá 2:16

Gawaá adoorihe, hhu'u'uúm. Nee bar hhu'u'uundaaká, aníng ni gaanslár hardáh amoorók, nee aníng niri slaáqw nee inooín ar paángár gawaá afkueé' daahh.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,