ISAYA 26:9 - Biblía Axweesantá Hhohho' ar Mungú 2004

⁹ Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 26:9 Iomraidhean Croise

1 QOM'I 16:14

Inós an AAKOÓ MUNGÚ, Munguúrén, baraá yaamu sleémeero kwasleemarós i deer.

WARA'AMI 105:7

AAKO inós a Munguúrén. Kwasleemarós i /uuruú koón baraá yaamu sleémeerowo.

WARA'AMI 119:55

AAKOÓ MUNGÚ, xweeraawo án kuúng un inslasláw, nee dabeerók an aldakuút.

WARA'AMI 119:62

Xweeraá dakiingo an tláw uwa xirfayeemiis, asma tidá' kuúng taa kát i ganá'.

WARA'AMI 130:6

Aníng AAKOÓ MUNGÚ u ló'wa daamaraám, ta ak xuumuusér xweera matlaatle ngir daamaraanda, ta ak xuumuuse looatleemu ngur daamaraanda.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 63:1

AAKOÓ MUNGÚ, kuúng an Munguúeé', án kuúng u leelehhiít, án kuúng ugwa wa slahhaá' adór heé aa waxiit. Aníng kuúng ugwa wa slahhaá', adór yaamaá xaanxaay awa naa hhaahheeruutiyé'.

WARA'AMI 63:5

Aníng a qwalalaá/ adór heé wahhna nee waeemo gaa /aay, afkwe'eene kuúng u xirfayeemiís ar qwala/.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

WA/AA/I 3:25

AAKOÓ MUNGÚ ku hhoó' dír kudá' ngu harahhifita'a, ku hhoó' dír kudá' sleémeero ngu leelehhitá'.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Marko 1:35

Nee matlaatlér boo/e iri tláy iri ti'iít ay dír muu iwa kahhi, iri firín didaádá' wa ale.

Luka 6:12

Qoomaadae Yesu iri gawaá tloomár i tláy as iwa firór ay. Looa gari gawaadá' wa tleés, iwa Munguú firiirin.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.