ISAYA 26:4 - Biblía Axweesantá Hhohho' ar Mungú 2004

⁴ AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 26:4 Iomraidhean Croise

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

YOBU 9:19

Bar har qwaatlooro inós i ló'wa /uuruú kón, bar gan'amu leelehhtuuwo heé inós baraá kwasleemárí huwto gu qiítl a heemá?

WARA'AMI 125:1

Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hota ganaá' gu baloó mayká kuwa diinqisi.

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

WARA'AMI 66:7

In waawuti'ín ar aleesleemuuwós ay alhhe'eesaay wasle, inósuudá' xoordaá amohhe'eemiís, dee/aanuuse mitiwa kilooín xirfayeemís.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.