ISAYA 26:21 - Biblía Axweesantá Hhohho' ar Mungú 2004

²¹ Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

ISAYA 26:21 Iomraidhean Croise

YOBU 16:18

Aá hhapaá yaamu, tseerer'eé' ar taa ku'uús ma baloó lu/aara', /aa/e'eé' ki axaasi umuú diiro

YOBU 20:27

Doori tlakweemaawós ngin laqaná', yaamu nguri tlukná'.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

ISAYA 22:14

AAKOÓ MUNGÚ Aleesleemusmo kaangwí nguna dir'eéní geehhooeés, kaahi, «Looeemaawo, tlakweemaaká' ki gurtlayká ay dír tay qatli.» Aako MUNGÚ Aleesleemusmo tí gana oó'.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 65:6

Ga/aawaak, tí kaa gooín dír geeraaeene, aníng a baloó xaslitaaká, ala tí aqo an buú' dir'ín.»

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

ISAYA 66:6

Áx gimsé' iia qaasaak, tsimaahhi i baraá gixsa. Afo i baraá doó Mungú, afór AAKOÓ MUNGÚ wakuuseerós ngiwa li/áy bu'un.

ESEKIELI 8:6

Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

Luka 11:40

Kuungá' a daktana. Munguúdá' daanda gwaa tleehh, a kudá' gura' gwaa tleéhhiíke sleeme?

Luka 11:50

as tseerér aaruusedá' sleémeero ar aa ku'ut iimír iimu/úngw yaamuwo, kawa iinuusi dír múk qartí,

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 18:24

Baraá gixsarihe tseerér aaruuse kaa ár, nee ar múk hhohhó' oo Mungú, nee ar mukdá' sleémeero taa tsuú/ baraá yaamuwo.