ISAYA 26:19 - Biblía Axweesantá Hhohho' ar Mungú 2004

¹⁹ Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 26:19 Iomraidhean Croise

YOBU 14:8

Tam dee/aruuwós baraá hhapeero i dina, tam i baraá hhapeérí slupuuti,

YOBU 29:19

Aníng a adór xa'anoó dee/áruuwós a aftlin afaá ma'aay, adór xa'anoó xweeraawo hara' i haleemi naa/amiisi.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 22:15

Hheehhar'eé' ina kát adór qambeesamo, tsifrangw'eé' aa nag'aát baraá xaanxardu. Kuúng án iga meér adór tuuár baraá teeri.

WARA'AMI 22:29

Múk daara/uuse sleémeero baraakaá yaamuwo i tumbarara'aat dír geeraawós, tam kudá' sleémeero qatlá' nee kudá' slafingw'ín /iisaro ngu aleeslawa'aaká, ta tumbarara'aat dirós.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

WARA'AMI 88:11

Ahaá sla'aarirók ar warqawaaká kaqo alki/iíti dír /aantaaro? Laqaá inkihhimuuwók kuqo kaáhi dír ta hhitini?

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

DANIELI 12:2

Múk yaariír kudá' aáng aa qaro qaatl, nin waaslee/, bahh'alé slafíngw alhhe'eesay wásl ngu slayá', nee bahh'alé mure nee waqaaqa' ngin slayá' ay alhhe'eesay wasle.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

HOSEA 14:5

Aníng dír Israeliwo an adór hara' tleehhiít, inooín niri /ayuusiyá' adór /ar/aanti, dee/áruuín nguri kiki'iyá' adór fuuntsáruú gartá Lebanoni.

HOSEA 6:2

Alaá deelo tsare atén ti malé slafis, bál tame atén tin waslee/atis, as kahhó' nee inós tawa alhootaan.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

Matayo 27:52

/aantu nay kisiitiyé' nee múk yaariír oo hhohhó' oo aa qaatl nari waasleé/,

Matayo 27:58

Heewí ina dír Pilato káy as slaqwtá Yesu ngiwa firin. Pilato iri ya/án.

Tlehhema'aá ya/Abuuse 24:15

Aníng a haraxu'utír koóm dír Munguhe, ar múk hhó' nee oo tlakwe tawa waaslee/i. Haraxu'utirí inooín sleeme ngi koná'.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

DABE 33:13

Nee daanduú tlahhoó Yosefuwo ina oó', «Yaamuuwós ki tsuuqi nee AAKOÓ MUNGÚ ar tsuuqaadá' hhoohhoo' awa gawaá dooraá dahhá', nee ar tsuuqaadá' baraá yaamaá dahhá'.

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

1 SAMUELI 2:6

AAKOÓ MUNGÚ i tsu/uut, inós i slafíngw tlehhiit, gin /aytiis baraá gi'i, slám ngi male gáwtí huuw.