ISAYA 26:16 - Biblía Axweesantá Hhohho' ar Mungú 2004

¹⁶ Aá AAKOÓ MUNGÚ, qoomár niwa slahhahhaiya' nina amorógí /akumitiyé', qoomár kuúng kiwa slahh'eemís, kuúng uri firariné'.

ISAYA 26:16 Iomraidhean Croise

WARA'AMI 142:2

Aníng an dirósí qununuú/, slahh'amueé' sleémeero un dirósí oiím.

WARA'AMI 27:8

Kuúng ana ó', «Aníng leelehhiitaré'.» Aníng niri oó', «AÁKO, án kuúng u leeleéhh.»

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 77:3

Qoomár niwa Munguú inslaslaw, nari amoqwaár. Qoomár nguwa aldakuut, nari mune sií'.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

ISAYA 37:3

Nguri bayé', «Waawutmo Hesekia i kaahi, ‹Laarí a baalár gurhaami, nee ar tiwa iigahhmiiti, nee ar tiwa mureekeemisi, atén a adór /ameenír xwaylár slaa', ala /uuruú ir /uumpu'us i kaahh.

YEREMIA 2:27

Kuká' an kudá' xa'anoó babaawá', «Kuúng a baabuúeé',» nee tlaa/anoó, babawá', «Kuúng atén tina laqwál.» Ala inooín intlerhhuuín ngwa amor'eé' xu'usiyé' nee gitsee/er'ín nga amor'eé' xu'usi'iiká. Ala qoomár slahh'amaayeero i kaahiya', «Tlawáng ti /is.»

YEREMIA 22:23

Kuungá' yaamuloouusér Lebanoni, handá' maraá hotaangw iga tlehhé' tla/eeraá xaa'aá sahhta, xáy adór tir tu/a' a adoomá dír slahh'amuudá' hi'iita, slahh'amuú adór kuquú /ameenír xwayla.

YEREMIA 29:12

Qoomaarí an qoomaadá' aníng kuungá' iwa ateta' nee iwa firiinda', aníng kuungá' nuri iiárií qaás.

WA/AA/I 2:19

Xweera sleémeero daarakimiít, /aa/amiím, dír xuumár xweera ira iimu/uundiiká! Kángw baraá muunaáwók faakeek kaahaango dír geeraá Aako! Dabaawók amoorós ti tles as slafíngw na/iiwók kuwa aleefiriin, kudá' /araaramá' as qwari baraá lohdu.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.

HAR'OHUUSE 10:15

Ala múk Israeli ina kumiít axweesanto dír AAKOÓ MUNGÚ tawa kaahi, «Atén tlakweema iga tleehhaán. Ala tidá' kuúng ta sla' daandemoorene tleehheek, na'ás, atén laarí ti tu/.»

1 SAMUELI 1:15

Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.