ISAYA 26:13 - Biblía Axweesantá Hhohho' ar Mungú 2004

¹³ Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

ISAYA 26:13 Iomraidhean Croise

2 QOM'I 12:8

Ala inooín ngu sagadiyusiyá', as kahhó' kawa tsaahhi adór aníng tir sagadiyuusi tar dimbé nee waawutuú baraakaá yaamuwo kuwa sagadiyuusi.»

ISAYA 10:11

xaysé', adoodá' naa tleéhh dír Samaria nee munguiiwós awa murslaaq a aleeslawaakáhe ngiwa tleehh dír Yerusalemu nee murslaaqatuuwose?»

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

AMOS 6:10

Qoomár maamáy tuuadá' taa daá/ birngi tse/aá i duux, heé aa baraá qul/ír dóií nahhaat bir deer, barngwa báy, «Heé aa meet i deéro?» Heedaádá' in ooi, «Tumu wák i kaahh.» Ala iri ooi, «shi-shi-shi-shi xásl asma umuú AAKOÓ MUNGÚ u ooanaaká.»

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

Yohana 8:32

Slám looeema i tsahhá', nee looeemaaká' nuri gweeriyá'.»

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

1 Korinto 4:7

Asma heé kuúng ugwa iia tleerees ta múk hatlae a heemá? Kuúng gár ta koon i deéro ar taa tawó sleeriiká dír Munguhe. Ala bar kuúng aga tawó sleér, ahaá ala, kuúng mas daara/aán adór heé gaa gaa tawó slayká?

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.