ISAYA 26:1 - Biblía Axweesantá Hhohho' ar Mungú 2004

¹ Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 26:1 Iomraidhean Croise

ESRA 3:11

Tari daá' daa'ángw ilaohiingw, ta AAKOÓ MUNGÚ xirfayeemiis, nee kuwa sluufmiisi, ta kaahi, «Asma inós ku hhoó', nee sla'aarirós ar warqawaaká in kumaamít ay alhhe'eesay wasle dír Israeliwo.» Naagáy muu sleémeero tsimaahhiro yaamu giri gaamiís qoomár inooín kuwa xirfayeés asma iihhafiirír Doó AAKOÓ MUNGÚ kawa hhe'eés qaasaro.

WARA'AMI 31:21

AAKOÓ MUNGÚ i xirfuuti, asma iga muruú waa/oo/amór koóm i tleéhh ar sla'aarirós ar warqawaaká, qoomár tiwa /amatseék adór gixsár ta i haratláy kari harweér nee wakuuse.

WARA'AMI 48:12

Hi'iimité', gixsár Siyoni harweditaak, gixsa harweera hhe'eesaak, tsitseenaá koo/irós fadiitaak.

WARA'AMI 48:4

Asma ga/aawaak, waawitá ina burumburimiít, sleémeero tari haratláy amór gixsár Siyoni.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 14:31

Maraay ni tsuunqumiisiye', gixsadu ni /aa/iye', kuungaásá xoorór Filisti gur'e ma'aay ngi dalaa/iye', Asma asla ni /iikú wa hi'ít, slám heé bihhií parangaá/ i kaahh baraá slaqwaruuser'ine.»

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:20

Baalaadae umuúqo heewo munguiiwós kudaá murslaaqat gi kwaahh, amór kuti nee hhampararama', kuduú peésa nee oo sahaábuwo. Kudaádá' naa tleehhiyé', as nguwa sluufmisiya'.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 31:5

Adoodá' tsir/i do'ós ngur harwedaadit an adór AAKOÓ MUNGÚ Aleesleemusmo gixsár Yerusalemu ngir xun sleeme. Inós Yerusalemu gan xún gari ba/amis Inós gan gurtláy gari tuu/.»

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

ESEKIELI 40:5

Aluuwo Doó Mungú una ár kwaa harweér ar koo/i daanduú tsee/aá wa ale. Heedaádá' pa/almoowós kuduú qoomeemes guri taataáhh, kudá' tlenaangós afiqoomoó miíta tám, harqoomoó koo/idá' guri leeleéhh. Koo/irí tlenaangós a miíta tám, nee yaangareemaawós sleeme a miíta tám.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:9

«Ga/aawaak, dakw'eé' un mamukuús gawaaín i alé, inooín tay lawaalér kudá' nga sagadiyuusiye'.» Kuungá' kay tsahhá' adór aníng AAKOÓ MUNGÚ Aleesleemusmo ira ya/aáw.

FAARO 21:17

Diirihe múk Israeli daa'aangw guri óh, «Aá hhálaangw, kutli duuxang, Ii daa'aak!

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.