ISAYA 25:9 - Biblía Axweesantá Hhohho' ar Mungú 2004

⁹ Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 25:9 Iomraidhean Croise

IIMU/UUNGW 49:18

«Aníng ba/amarók an daamaraám, aá Aakoó Mungú.»

WARA'AMI 100:1

Afór ur tleesaak, AAKOÓ MUNGÚ i baraa/aak! Kuungaá baraá yaamu sleémeero.

WARA'AMI 20:5

A qwalaala/aán as daanduú arba/atír amoorók daahh. Nee tari baraa/aán umuuwós kuwa xirfayeemisaan. AAKOÓ MUNGÚ tidá' sleémeero kuúng ta firiin ngi haniisi.

WARA'AMI 21:1

AAKOÓ MUNGÚ, waawutmo /uuruudá' taa hanís gu sa qwalalaa/, i ló'wa qwalalaa/ as alee/isaywók.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 33:20

Atén AAKOÓ MUNGÚ un harahhifaán, inós an alee/isayrén nee baqmoorén adór gaamboót.

WARA'AMI 33:21

Atén inós un sa qwalaala/aán, asma umuuwós kudá' hhoohhoó' ugwa harahhifaán.

WARA'AMI 40:17

Aníng a liitlakusmo nee a heé gaa wásl, ala AAKOÓ MUNGÚ in sa daawimiit. Kuúng a alee/isusmooeé' nee gweerusmooeé'. Munguúeé', kuúng mindi tligaar!

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

WARA'AMI 95:1

Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 35:1

Darma nee yaamaá kaahaar i qwalaa/iyá', xaanxaay i qwalaa/ iri /ayuus.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 35:4

Múk da'ayumiít ku beera', mune hhe'eesé', ma da'ayumitaara', Ga/aawaak, Munguúhúng ni hardah as li/aay nguwa bui, Inós li/aay gun buu' gawaá wakuuserhúng. Inós ni hardah as kuungá' nuwa ba/amisi.

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Filipi 3:1

Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

1 Petro 1:6

Gawaá adoorihe kuungá' a ló'wa qwalaala/á', ala tam gurhaamuta'a qoomaarí niinawe as iiara'aduú dimbadimbé, asma adoorí i pa/aká.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

2 Petro 3:12

qoomár deeloodár Mungú kawa daamaraanda' nee kawa harakeemisa'. Ala deeloodá' bál binda hardát, doori asla gi ót nay weeqiyá', nee tam tsatse/ i weeq as asla.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 22:20

Kudá' muruuwí gu lamabu'uúm i kaahi, «Eeít, aníng ni hardáh ar gaanslaay.» Amin. Qwaláng, Aako Yesu.