ISAYA 25:2 - Biblía Axweesantá Hhohho' ar Mungú 2004

² Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 25:2 Iomraidhean Croise

YOBU 12:14

Bira fe/iít, heé tleehharo ga aleesláw i kaahh, hee burngwa tseék, heé gweeraro gu aleesláw i kaahh.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 13:21

Ala makaá sla/a nin baraadá' wa guiyá', hárkoonka maray'ín giri dalá/. Sakwel iri baraá maray'íní waatl, manu iri baraá sluhhay'ín wa ni/iná'.

ISAYA 13:22

Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 17:3

Koo/idá' gawden ar Efraimu i hhaán, nee waawuti'iimár múk Damasko i qwát, múk Aramu oo aa meet kuri niqín adór múk Israeli. Anuú AAKOÓ MUNGÚ Aleesleemusmo tí án káh.

ISAYA 21:9

Qaytsiít, múk faras ngwaa i tsa/an i hi'iit, ti tsadér wa koomakoná'!» Ta kaahi, «Babuloni aa hú', nee slaqsi'iiwós kudaá mungui, kin yaamúr slaáhh kiri giqaaqáy.»

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 23:13

Ga/aaweek mukdá' makaá sla/a ngaa geemay niwa haratlaya' amór gixsár Tiro a múk Kaldayo, slám a múk Ashururoká. Inooín an múk gixsa gaa harweer ar /aampu, as kawa i haratlay, maraywós kudaá waawitá kiri taangúy.

ISAYA 24:10

Gixsadár tlaahhuso'o kaa yaamií daáhh Umuú afkú do'o kwaa tseék as hee miwa dáh.

ISAYA 25:12

Gixsaduín kudá' koo/i tledaadet gin yaamií daahh, giri inslah giri yaamúr tsataat, giri teerúy.

ISAYA 26:5

Asma yaamuloouusér ayaá gawa gana yaamií daáhh, gixsadá' iia tleer gana yaamií daáhh ay baraá hhape, gari kwaáhh baraá teeri.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 32:19

Gartá wakuuse iri fák nee gixsar'ín iri hhaán.

ISAYA 34:13

Slaamboqáy niri ti'iit gawaá koo/ir'ín tidá' gawdén wa alé, te'eesmó nee laqayawo niri ti'iitiyá' baraá koo/ir'ín wa alé, tari dír tawer iwa hooti, sakwel iri baraadií waatl.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

YEREMIA 51:26

Tam tlaa/anoó ta dirógí leehhi oo ta qaasi dír qul/ír do' i kaahh, tlaa/anoó ta qaasi baraá ihhafiirír do' i kaahh, ala an xaanxay tleehhít daqisleém. Anuú AAKOÓ MUNGÚ tí ngina oó'.

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

DABE 13:16

Haasaánguú baraá gixsadá' burumburaak dír tsee/aá /awaak awa gixsa, gixsadá' ka da/á' ar asla dinkwa nee haasaángudae, tawa adór ilahhooár ádkoóm ar ta da/i dír AAKOÓ MUNGÚ, Munguúhúng. Gixsarí tari taango ay alhhe'eesay wasle, ka male /abesiiká tleehharo.

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»