ISAYA 25:1 - Biblía Axweesantá Hhohho' ar Mungú 2004

¹ Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 25:1 Iomraidhean Croise

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

WARA'AMI 118:28

Kuúng a Munguúeé', u sluufmiís, u diidi'iimiís, Munguúeé' a kuúng.

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 146:2

AAKOÓ MUNGÚ u xirfayeemiís qoomár niwa hoot, Munguúeé' un i daá' qoomár niwa slaaf.

WARA'AMI 31:15

Slafingw'eé' sleémeero i gawaá dabaawógí dirii', án tu/áng dír waakuuser'eene, kudá' aníng i /aytima'a!

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 40:6

Kuúng ilahhooár muruú ta tsu/i nee ilahhooár hatlae i waatlakweemiská, iga iia fooxís gawaá tihe. Ilahhooár da/a nee ilahhooár tlakweema hingeemis kuúng a waatlakweemiská.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 75:2

Afiqoomaadá' aníng naa oó' bira xeér, aníng sakwasleema a tleéhh ar gan'amu.

WARA'AMI 78:4

kaangwí u duquumanaaká dír na/iirene, tam qartaá aluú wa xaw ka kaangwí bawaán, xirfuú AAKOÓ MUNGÚ nee /uuruuwós, nee muruuduú waa/oo/amo oo aa tleéhh.

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

WARA'AMI 98:1

AAKOÓ MUNGÚ i daa'aak ar daa'ángw /abén, asma muruú waa/oo/amo guna tleéhh, ar dakós oo doó /iyayhe nee kudá' hhohhooe, inós iri baalín.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

ISAYA 11:5

Hotaá ganaa'á' a adór himuú afeetloowós, nee inkihhimu a adór himuú afeetloowós.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 28:29

Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 40:27

Kuungásá múk Israeli nee xwaylár Yakobo, ahaá mas wa/aa/usá' tawa kata', «Loohir'eé' kaa luú/ dír AAKOÓ MUNGUHE, Munguúeé' gana'amueé' gu gaárí xuiiká?»

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

ISAYA 49:5

Nee hám daxta AAKOÓ MUNGÚ, kudá' aníng iga tleehh iimír niwa baraá guruú aayor'eéní dirii' as tawa sagadiyusmoowós. As múk Yakobo nguwa amoorós i ki/is, nee múk Israeli nguwa amoorós i burumbuur. AAKOÓ MUNGÚ iga ilaiwa/amérí sláy dír geeraawose, nee Munguúeé' an /uuruueé', i axwees,

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 7:13

Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

Yoeli 2:26

Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»