ISAYA 24:4 - Biblía Axweesantá Hhohho' ar Mungú 2004

⁴ Yaamu i tsuunqumiisiyá' nee i hhiturutiyá', yaamu i amoqwaqwadiná' nee i hhiturutiyá', doori nee yaamuwo i amoqwaqwadiná'.

ISAYA 24:4 Iomraidhean Croise

ISAYA 24:21

Baalaadae AAKOÓ MUNGÚ slawodaá gawaá doori gi slaahh, waawituú baraá yaamu sleeme gun slaahh.

ISAYA 24:3

Yaamu ki xaanxay tleehh, kiri kángw kilá' wa qwaarees, asma AAKOÓ MUNGÚ tí gana oó'.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 3:26

Afér gixsár Siyoniro gaa a wa/aa/i nee tsuunqumis, gixsarí tari adór /ameenír taa geexáy ar pakáy, iri iwít baraá teeri.

ISAYA 33:9

Yaamu i tsuunqumiisiyá' nee na kahiyé', Lebanoni ina qor'ót, iri kát, Sharoni ina adór xaanxaay tleehhít, nee loo/ór xaa'aá Bashani nee Karmeliro i páhh.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

YEREMIA 12:4

Ay xaylá yaamu i tsuunqumaamisiya', nee gitsór umuú diiro i /otsaatsit? Makaay nee tsir/o kina hhaamiís as tlakweemaá yaamuloouuse. Asma muu i kaahi, Mungú alhhe'eesoó slafingwrén gu ariiká.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

Yoeli 1:10

Qamu naa hhitruutiyé', yaamu i tsuunqumisiyá', asma balaangw aa hhitruút, nee sabiíbudá' ta difaáír ar tlehhiiti aa káh tam di/i i káhh sleeme.