ISAYA 24:3 - Biblía Axweesantá Hhohho' ar Mungú 2004

³ Yaamu ki xaanxay tleehh, kiri kángw kilá' wa qwaarees, asma AAKOÓ MUNGÚ tí gana oó'.

ISAYA 24:3 Iomraidhean Croise

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

ISAYA 21:17

Miguusér niina, tidá' maheeraá tlaquut ar múk Kedari, in mét. Anuú AAKOÓ MUNGÚ, Munguú Israeli, tí ana oó'.»

ISAYA 22:25

Ala Baalaadae kiki'idá' ta slaáhh dír kawa saxmaár bira tununu/út, geeraharu'uumarós aqo kan hingees, nee huwaadár gawaawós aqo kan amór saáwí kwaahh, asma anuú AAKOÓ MUNGÚ tí gaa oó'.› »

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 24:2

Baalaadae gadaádá' muu gu slaw, kaahamusmo gu sleér sleeme, nee gár lawaalmo gu slaw, aakoowós gu sleér sleeme, nee gár lawaalo'o ga slaw, aayór do' loo' ga sleér sleeme, nee gár heé tlaxuúm gu slaw, heé weeramiís gu sleér sleeme, nee gár heé kirkiít gu slaw, heé ta kirkiti gu sleér sleeme, nee gár heé ta iinuusi gu slaw, kudá' iinuús gu sleér sleeme.

ISAYA 24:4

Yaamu i tsuunqumiisiyá' nee i hhiturutiyá', yaamu i amoqwaqwadiná' nee i hhiturutiyá', doori nee yaamuwo i amoqwaqwadiná'.

ISAYA 42:22

Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

YEREMIA 13:15

Kuungá', múk Israéli, iia ló'wa qaasaak, madaara/aamara', asma AAKOÓ MUNGÚ i axwees nee kuungá'.

ESEKIELI 36:4

Gawaá adoorihe, kuungaá tlom'aá múk Israeli, axweesante'eé' iiárií qaasaak, anuú Aakoó MUNGÚ. Kuungá' tlóm'i nee gongoáma' nee kutloó ma'aay, nee tlapu, nee xatso, nee gixsadudaá sluhhaay, kuungádá' taa haasaáng wa huúw, nee tunda waaqaá' nee xoordudá' sleémeero naa harweeriye'.›

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

DABE 29:28

AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›