ISAYA 24:18 - Biblía Axweesantá Hhohho' ar Mungú 2004

¹⁸ Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

ISAYA 24:18 Iomraidhean Croise

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

IIMU/UUNGW 7:11

Kurkú tsiire lahhoó' baraá slafíngw Noawo, slahhángw tsár tawa mibaá nee faanqw, baldá' kutlaay sleémeero oo iloodá' uren nina gweeritiyé', nee foxa'aá doori nina gweeritiyé'.

2 WAAWITÁ 7:2

Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

YOBU 20:24

Barnaxes paángár muqsli gaa geewakáy, paángár muqslír sirdaa/aat aqo gun mút.

WARA'AMI 18:15

AAKOÓ MUNGÚ, wakuuseerók kawa iigahhát, kawa dae tsát ar buhhtaawók, iloodaá tlawi niri geehhouyé', iihhafiirír yaamu iri geehhoouúr.

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 18:8

Quuír baraá duungawós daahh iri gáwtí tsa/aán. Asla ina baraá afkós wa ti'ít, nee gil'o adór tsángw asla.

DAHARUSMO 9:12

Heé baalaarós ga xuú' i kaahh, aqo adór siyó kur ohaahin gitsa/aá tlaakwe nee baraatsufaay, nee adór tsir/i kar ohaahin nee naqfí, an adór muu kur haraxopiiti ila nee tí, nee qoomár tlaakw.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 42:22

Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

ISAYA 8:14

Aníng a dirók tidá' hhoohhoo' ar guwaay, sleeme aqo adór tlaa/anoó dukuutsmo, tlaa/ár waawituú Israeli i huhu'un nee oo Yudawo. Aníng a tsaaxweelír yaamuloouusér Yerusalemu ga ohiim.

YEREMIA 48:43

Kuungaá múk Moabu, dae tlaqa, nee bohoongw nee tsaaxweeli i dír geeraahúng! Anuú AAKOÓ MUNGÚ tí ngina oó'.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

WA/AA/I 3:47

Dae tlaqa nee bohoongw i dír geeraarén, amotlakwe nee hhituru'uuma taa sleér.

ESEKIELI 11:8

Xáy, kuungá' paánga a da'ayumitá'a? Gimsé', aníng paánga ngin huúw dirhúng i alé.

ESEKIELI 12:13

Ala aníng tsaxweeli a qaás nee inós guri ót. Aníng nguri huúw Babuloni, yaamaá múk Kaldayo, inós amoodae iri gwaa', tam adoorihe yaamuudá' gi ariiká.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.