ISAYA 24:16 - Biblía Axweesantá Hhohho' ar Mungú 2004

¹⁶ Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 24:16 Iomraidhean Croise

WARA'AMI 106:15

Giri qáy tidá' na firni'i, ala tiqtír tlaakw gari dir'ín i huúw.

WARA'AMI 119:158

Múk kuúng u haratlintatiaaká bura ár u ló'wa sla'aaká, asma hara'ayarók ngaa oohi'iiká.

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 58:10

Heé hota ganaá' i qwalalaa/ bar ngaa ár wakuuse kaa li/áy buú'. Ya'aawós gin hamaatl ar tseerér múk hota ganaa'aaká.

WARA'AMI 65:8

Baraá yaamu sleémeero muu tlehhmi'iiwók kudá' waa/oo/amo gin sa da'ayuut. Iimír da/aáw wa tleemu ay /uwa kuúng muu un qwal/atimís.

WARA'AMI 67:7

Mungú atén taa tsuúq, muu sleémeero baraá yaamuwo inós ngu ilaiwawa/i!

WARA'AMI 98:3

Sla'aarirós ar warqawaaká nee inkihhimuuwose ga insláy dír múk Israeliwo. Baraá yaamu sleémeero baalír Munguúrén kaa ár.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 17:4

«Baalaadae xirfuú múk Yakobo i qwaar, nee slaqooín kudá' naa wahhdiitiye' i faakiyá'.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 26:15

Ala aá AAKOÓ MUNGÚ, kuúng xoororén ana tlahhás, nee yaamurén ngina dók, as adoorí kuúng tu xirfayemiis.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 42:10

Daa'ángw /abén daa'aak dír AAKOÓ MUNGÚ, hhapeemo sleémeero xirfuuwós ngu daaiye'. Gimsé' tlawi i /orotl nee umuúqo gár baraadá' i diriia, ayeemaá sawen nee yaamuloouuser'ine.

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 12:6

Asma tam hhaeewók, múk doohúnguú kilá', kuúng una geewaqaát. Inooín kuúng un iigahhamitiyá'. Kuúng inooín mi haratlintatiaar tam i axweesanoó tsuúár axweesiia.»

YEREMIA 3:20

Ala daanduú tihe, kuungá' xoorór Israeli ana inkihhimu waslesé' dir'eene, adór harér inkihhimu wasl i tlehhaahhit dír hhawaatuuwose. Anuú AAKOÓ MUNGÚ tí ngina oó'

YEREMIA 5:11

Asma múk Israeli nee oo Yuda naa ló'wa inkihhimu wasleesiyé' dir'eene. Anuú AAKOÓ MUNGÚ tí ngina oó'.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 6:7

Ala inooín alqado ngaa mayé', adoodá' naa tleehhiyé' amór yaamuudá' ta bay Adam wa alé, slám inooín naa iia wasleesiyé' dir'eene.

TLAHHOÓ LAÁWI 26:39

Barnaxes bartaka aa mét baraá yaamaá wakuuserhúng, nin naduumitiyá' nee niri faakiyá' as tlakweemaaín nee as tlakweemaá baabi'ii'ín.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

HABAKUKI 1:13

Kuúng tu hhoohhoó', tam gár tlaakw ii qaytaro a sla'aká, kuúnguudá' sagagawdu gu sla'aaká arto. Ahaá waáy, mukdá' al/aymár tlehhiít misa tawo ga/eér nee tari dirógí xaslít, qoomár heé tlaákw bar heé hota ganaá' ta inose gu gaamiis.»

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

Marko 13:27

aluuwo malayke gari ya/aaw, badu tsiyahhaawo awa yaamu, iimír alhhe'eesaywí wa tleemu ay kuqá', as mukós kudá' aa tsawaár nguwa burumbut.»

Tlehhema'aá ya/Abuuse 13:47

Asma adoorí an adoodá' Aako naa oó', ‹Aníng kuúng una qaás tawa gwa/aateemaá múk xoordu, as tawa loohír ba/ama tam ay alhhe'eesoó yaamu, as ba/amar'eé' muu sleémeero nguwa i hardat.› »

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.