ISAYA 24:11 - Biblía Axweesantá Hhohho' ar Mungú 2004

¹¹ Baraá lohduuwo muu /aa/eewo tsee/a gaa faák, as difaái kawa dakuús, qwala/ sleémeero aa faák, qaseengw baraá yaamuwo aa suquút.

ISAYA 24:11 Iomraidhean Croise

WARA'AMI 144:14

Hikwaarén masók ki slaqo hho'. Gur'e mingiwa kwakwahhiyé', laqaá na/ii mingiwa slaqwarahhiné'. Qununu/aay laqaá /aa/e mindiwa deeruutiyé', baraá lohduurene.

AXWEESANOÓ SAGALOOA 31:6

Buura haniiseek dír heé aa hhituruut Nee difaái haniiseek dír heé gurhaamuút.

ISAYA 16:10

Asma qwala/ nee bar/uwo naa faakiyé', baraá yaamuudá' wahhaara'a. Baraá qamaá sabiíbuwo daa'aangw i sangw kaahh, tam afór ti'imiit i káhh sleeme, sabiíbuú ta tsoo/iti i sangw kaahh, bar/uú heé sabiíbuú kal/aám ugwa hingeés.

ISAYA 32:10

Baraá guruú kurku wake kuungásingá' /ameenár aga taqna/uumite' a daaraxatá', asma sabiíbu u hamaresa'aaká, nee mamaá ta sleera' i kahhiyá'.

ISAYA 32:13

nee as yaamaá muk'eé' kudá' tinda alti'iít nee fuquráy nee laqaya', maraay kudá' naa hatsiye' múk qwalaala/a, nee as gixsaduudá' qwalaala/á'.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 46:12

Xoordu alsi'iimuuhúng ngwa axaasiyé', /aa/eehúng daanduú yaamu ngwa tsataatiyé', asma migusmo migusmoó hatlá' guri sadukuúts, tsaraawo tari alhuhu'ún.

YEREMIA 48:33

Qaseengw nee qwala/ kaa hingeés baraá yaamaá Moabuwo, kudá' mamuuwo hatsá'. Difaái aga /oomeés dír kiteeridá' kawa tsoo/iti. Heé mamaá sabiíbu gi tsoo/iít ar qwala/ i kaahh. Tsimaahhír ta axamisaan ar qwal/uwooká.

HOSEA 7:14

Aníng i firirina'aaká ar muunuú ló', qoomár niwa gawaá qateenoín wa /a/amina'. Gár naa i burumburitiyé' a balaangw nee difaái, aníng iga aahhiyé'.

Yoeli 1:12

Sabiíbu aa /oóts, /antsí aa kamaa/arút. Xaa'aá ta bay komamaánga nee slaansla nee tofá'a, nee xaai sleémeero awa baraá qamu naa kahiyé', qwal/uú muu iri qwaár.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.