ISAYA 24:1 - Biblía Axweesantá Hhohho' ar Mungú 2004

¹ Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 24:1 Iomraidhean Croise

2 WAAWITÁ 21:13

Aníng hhutlmooduú qoomeemes oo Samaria ngira qoomeés, nee doó Ahabuwo, un gixsár Yerusalemúr qoomeés. Aníng gixsár Yerusalemu an paapa/aás adór hee qwaree/amo ngur xusaasin, guri xoptis.

NEHEMIA 1:8

Aníng kuúng un firiím, /aymuudá' taa ó' dír lawaalmoowók Mose inslaweek, kudá' tawa ó', ‹Bar tlakweema iga tlehhé' nu tsiyayaáx baraá xoordu.

WARA'AMI 146:9

AAKOÓ MUNGÚ dahaaye ga amohhe'eemiis, panaay nee kwaeeli gin /uurií qamín. Ala múk gana'aaká gun qwaarees.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 13:5

Amór ni dahhiya' ka ló'wa saaw, iimír ku/uyaá doori ngin dahhiyá', AAKOÓ MUNGÚ ni hardah nee xooslaá xarasleemaawós, as yaamu sleémeero ngiwa qwaareesi.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 24:19

Yaamu i ló'wa gwagwa'aná', yaamu i ló'wa feehhamitiyá', yaamu i taa/aná' ló'wa ale.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 27:10

Asma gixsadá' koo/i gawit kaa kilós geexáy, kana geexáy kari máy adór xaanxaay, makaay kin baraadá' wa de'én niri tlahhminá'. Nee haleemiiwós ngiri /ayiyá'.

ISAYA 29:16

Kuungásingá' muruú /aankwartsimá', xáy, iqo ya/aánda tleeusmo kuwa harafari bartá tleei? Tam xooslár tleei heedá' gaa tleehh nguwa beer, ‹Aníng kuúng iga tlehhká.› Laqaá xosluudá' taa tleéhh tleehharusmooín nguwa beer, ‹Kuúng gár ta xu' i káhh.› »

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 30:32

Umuúqo slahhtá AAKOÓ MUNGÚ dír múk Ashururo tin alkoomaakoná' nee afór puunda nee ar seésero. Inósuú kilá' in slaaqw nee múk Ashuru ar adór dae tlaaq.

ISAYA 32:12

Da/eewerhúng puupuxumisaak as gurhaamír daanduú qamuudá' aáng sla'atamiisa'a nee as sabiíbudá' aáng ló'wa laqwaliím,

ISAYA 33:9

Yaamu i tsuunqumiisiyá' nee na kahiyé', Lebanoni ina qor'ót, iri kát, Sharoni ina adór xaanxaay tleehhít, nee loo/ór xaa'aá Bashani nee Karmeliro i páhh.

ISAYA 34:10

Tlaatla/aangw nee xweeraawo asltí i baloó gwa'aká, quuirós in sihhmaamít ay alhhe'eesay wasle. Yaamu iri xaanxaay tleehhitiyá' qari sleémeero, heé baraá yaamuudár waaraáhh i kaahh kureerisleém.

ISAYA 34:2

Asma AAKOÓ MUNGÚ xoordu sleémeero gaa i buúhh, ina amór slaqwaruuser'íní qa/iít buhhtaawo, inós gina qwaareés giri haniís kiwa tsu/i.

ISAYA 42:15

Tlom'i nee gongooamawo i hhitiím, sla/a sleémeero a kahaás. Yau i yaamaá kaahaar tleéhh, tlehheeso i /oomeés.

ISAYA 5:6

Aníng inós an xaanxaay tleéhh, sabiíbuuwós ku alkwasliiká, laqaá ku kakanusiiká. Fuquráy nee laqayaawo ngun alti'iitiyá'. Huunkáy u ádbáw, miwa gawaawósí tluúw.»

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 40:15

Naagáy Yohanani garmoó Karea iri axweés nee Gedalia ar naaqo amór Mispa wa alé, guri báy, «Xaa ya/aám, án Ishmaeli garmoó Netania ngu gaás, nee tí hee tumu wák mingiwa xuú'. Ahaá waáy, inós kuúng gár us gaasi a milá, nee múk yaariír kwí oo Yahudi aa burumburiit gár is diya/aati nee paanaywí oo Yuda kus hhaamisi?»

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

YEREMIA 9:16

Aníng i diyaá/ baraá xoordaá hatlá' awa i baloó xuiiaaká, tam baabi'ii'ín ngi xuiiaaká, nee wakuuse ngiri ya/aáw aluuín wa aleeró, ay dír án ngi hhaamiis.»

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

ESEKIELI 24:11

Hutlaay un kaahareema qaás gawaá asla as asla ngiwa ló'wa /ak, muqslidá' kura tleéhh ngiwa eemu hhe'es, as slasla/aruuwós iwa wanana'aati nee kuútuwós asla nguwa /ak.

ESEKIELI 35:14

«Anuú Aakoó MUNGÚ a kah, ‹Qoomár aníng kiíng Edomu bira xaanxay tleéhh, daanduú yaamu sleémeero iri qwalaa/,

ESEKIELI 5:14

Slám malé alé kiíng gixsár Yerusalemu i adór panmo tleéhh, nee tari gár ta waaqaqai nee xoordu, kudá' iga harweeriye', nee dír ilaá mukdá' waraahha ar bihhiiwók.

ESEKIELI 5:2

Ala gixsár Yerusalemu barka hhe'eés harweeraro, ufuú wák oo se'eengók, baraá ufeedá' tame, da/eek baraá gixsár i alé. Ufuú hatlá' paángaro tlaaqeek, gixsa tir harwet. Ufuú tám kuduú alhhe'eesáy ku tsiyayaáx ar fur'a. Aníng paángar'eé' a aluú wa geeleéhh as nguwa diyaa/.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

ESEKIELI 6:6

Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

ESEKIELI 7:14

Tarumbeéta ka ufaahh, nee muu sleémeero taa amohhe'eés. Ala heé slaqwarár áw i kaahh, asma buhhtaeé' i gawaá daanduuín i dirii'iyá'.»

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Tlehhema'aá ya/Abuuse 17:6

Ala kiwa slayká, Yasoni kuri óh, nee hhae bahh'alé, kiri huúw dír geeraá múk urén oo gixsa, tari tsimaahhuús, ta kaahi, «Mukdá' yaamu gaa halelee' naa ayaawí hardáh sleeme,

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.