ISAYA 23:6 - Biblía Axweesantá Hhohho' ar Mungú 2004

⁶ Tlawsé', ta'aaimé' ay yaamaá Tarshishi, tsuunqumiisé' kuungaásá yaamuloouusér afaá tlawi.

ISAYA 23:6 Iomraidhean Croise

ISAYA 16:7

Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ISAYA 21:15

Asma inooín slaqwara ngina ilaguwiyé', paangadaá taa duúx baraá qaw'iwo ngina ilaguwiyé'. Maheeraá taa baraá tlaangasú wa duúx nee slaqwarár xaraasl ngina ilaguwiyé'.

ISAYA 23:10

Baraá yaamuuwók ar waaraahheek adór yaaér Nili, kuungaásá múk Tarshishi, asma daxta gár nu tatlmis i káhh.

ISAYA 23:12

I kaahi, «Aá gixsár Sidoni, tidár baramaanuso'o, kiíng qwal/uwo a ki/iká, tam bar yaamaá Kuprórí goba, amorqae amohhooa a sleeraaká sleeme.»

YEREMIA 10:9

Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

ESEKIELI 27:35

Muu sleémeero oo baraadá' hoót dae gwa fák as kiíng, waawitaáín aa ló'wa da'ayuút. Gitsee/er'ín ka bo/ as gurhaami.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.