ISAYA 23:18 - Biblía Axweesantá Hhohho' ar Mungú 2004

¹⁸ Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 23:18 Iomraidhean Croise

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

WARA'AMI 72:11

Kár ee, waawitá sleémeero ngu ilaiwaa/iye', nee xoordu sleémeero ngu sagadiyuusiye'.

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 28:8

Heé daqaari'iimarós dogiít ar iwa múk /aytin, Gan burumbuur as heedaádá' narkuutér gurtlatláw.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

ESEKIELI 26:12

Daqaari'iimarók ngiri ar tlayá' nee umuú gaaro ar ta koonda. Koo/irók ngi fee/iyá', nee marayhúng kudá' xirfayen ki yaamií daahh, kudaá tlaa/e nee awa peehháy, nee hhapeedá' taa maraysír tlehhé' gari ku'uus baraá tlawi.

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

SEKARIA 14:14

Múk Yuda tari slaaqw as Yerusalemu kawa xun nee daqaari'iimár yaariir ar xoordu sleémeero kari burumbuur sahaábu nee peesaaro nee tlabaawo.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.

Marko 3:8

nee gixsár Yerusalemu nee yaamaá Idumea nee gayuú Yordani nee bihhér Tiro nee Sidoni. Mukwí Yesu guri i daqáy asma kángw muruudá' sleémeero aa tlehhiít, kwaa axaás.

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 8:3

nee Yoana harér Kusa, kudá' daqaari'iimár Herode ki saayín, nee Susana nee awa hatlá' awa yaariir. /Ameenadá' inooín gina sagadiyús ar daqaari'iimar'ín.

Tlehhema'aá ya/Abuuse 9:39

Petro iri tláy, nee inooín tiri koné'. Iwa hardáh, kuna tsa/aás gawaá qoroófa. /Ameenár kwaeeli sleémeero ina bihhiiwós i sihhít, ta /aa/amín, kuri inqwaruú i laqaqán, nee hiyi'i, kudá' Dorkasi aa hirít qoomár iwa slaf.

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.