ISAYA 23:11 - Biblía Axweesantá Hhohho' ar Mungú 2004

¹¹ Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 23:11 Iomraidhean Croise

IIMU/UUNGW 9:25

iri oó', «Kana'ani ku lu'usi, inós a lawaalmoó kilá' oo hhaeewós.»

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 71:3

Kuúng dir'eene masók a tlaa/ár ni gogoow nee baqmór'eé', nee adór koo/ír gawit ar aníng i ba/amis, asma an tlaa/ar'eé' nee baqmór'eé'.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 14:26

Adoorí an tidá' Mungú aa slaá' tleehhamooro, baraá yaamu sleémeerowo, dakwí an kudá' Mungú ira gadiyuús baraá xoordu sleémeerowo.

ISAYA 19:5

Ma'aá yaaér Nili niri /oná', yaae iri qor'ót, iri kát.

ISAYA 2:19

Muu iri dah baraá mar'ór tla/u, nee baraá boh'ér yaamu, geeraá dae tlaquú AAKOÓ MUNGÚ nira hardihiiká nee xirfuú waawuti'iimarós, qoomár birna tláy as yaamu ngiwa dae tsati.

ISAYA 23:10

Baraá yaamuuwók ar waaraahheek adór yaaér Nili, kuungaásá múk Tarshishi, asma daxta gár nu tatlmis i káhh.

ISAYA 23:3

niri hi'iimamitiyé' baraá tlabeemoó wa alé, slaasláwarhúng a balángw Shihórír daáhh, bu'úngw yaaér Nili, Kuungá' halaanu'uuma kari tlehhé' nee xoordaá yaariir.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

YEREMIA 47:7

Ala adór tsauuwa ngir aleesleer, qoomár AAKOÓ MUNGÚ bar ngaa gadiyeédií sláy. Daanduú gixsár Ashkeloni, nee yaamaá afaá tlawi, amoodá' ngay tleesi.»

ESEKIELI 26:10

Farsuú waawutmo Nebukadnesa ku ló'wa úr, nee teeri birnga gáwtí tleesiyé' iri tuuntúk. Koo/i iri daaraxát as kududuhoó slaqwaruusér faras gwaa i tsa/aan, nee gaardaá slaqwara nee kudá' huwaá koomá', qoomár bir darah afkú gixsaroge a adór múk daráh baraá gixsa ar dír aa fee/it.

ESEKIELI 26:4

Inooín koo/irók nee kiteeridaá tsaa'aso kay qamaamin ngi fee/iyá'. Aníng hhapeerók an paapa/aás, nee tlaa/ár kaahaar iri met.

ESEKIELI 31:16

Xoordu ina daaraxaás ar afór huu'umaawós, qoomár ngiwa yaamií daáhh baraá gi'i, dinkwa nee kudá' /e/etimá' baraá bohoongw, nee xaai sleémeero awa Edeni, xaa'aá hhohho' awa dimbé baraá Lebanoniro, kudá' taa eemiís ar ma'aay, kina gurkwa/amís baraadaá gi'iiwo.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

SEKARIA 14:21

Umuúqo hutlaywo baraá Yerusalemuro, nee baraá Yudawo kuri hhohhoees as AAKOÓ MUNGÚ Aleesleemusmo, gawaá adoorihe, heedaádá' ilahhooár muruú ta tsu/i ga hanmiís niri hardah, hutli'iidá' giri taataahh giri fu'uunaá ilahhooár muruú ta tsú/ír humín. Qoomaadae heé halaanu'uumár tleéhh baraá Doó AAKOÓ MUNGÚ Aleesleemusmo wa alé i kaahh.

Marko 11:17

Giri intsaahhatimís iri oó', «Kaa gooinkáhe, ‹Dooeé' ku bay a doó saaliingw dír xoordu sleémeerowo.› Hám daxta kuungá' ugwa mar'ír fisuuse tlehhé'.»

Yohana 2:16

Mukdá' hhookár weerimiís guri báy, «Muruusíng sleémeero hingeesaak. Doó Baabuúeé' mu doó halaanu'uuma tleehhara'.»