ISAYA 22:6 - Biblía Axweesantá Hhohho' ar Mungú 2004

⁶ Slaqwaruusér Elamu tlaangasuuín ngwa ót, dinkwa nee gaarduudá' faras i uuruxuna, nee mukdá' faras ngwa i tsa/ani, nee slaqwaruusér yaamaá Kiri gaambuín ngaa amohhe'és.

ISAYA 22:6 Iomraidhean Croise

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

2 WAAWITÁ 16:9

Tiglat-pileseri firoodár Ahasi gari ya/án, gixsár Damasko gari i haraatláy nee ngiri hayóh. Waawutmo Resini oo Aramu guri gaás, muu guri ar tláy ay Kiri.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 15:1

Kaangwí a iigu'utuú daanduú Moabu. Asma gixsár Ari tidár baraá yaamaá Moabu kana xweeraá gaás, nee gixsár Kiri tidár baraá yaamaá Moabu kana xweeraá gaás.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 22:7

Xatsoowók kudá' ta ló'wa sla' gaardaá slaqwara baraadá' ngaa dalaa/iyé', nee mukdá' faras gwa i tsa/an aa afkú gixsarók i sihhiít.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?