ISAYA 22:25 - Biblía Axweesantá Hhohho' ar Mungú 2004

²⁵ Ala Baalaadae kiki'idá' ta slaáhh dír kawa saxmaár bira tununu/út, geeraharu'uumarós aqo kan hingees, nee huwaadár gawaawós aqo kan amór saáwí kwaahh, asma anuú AAKOÓ MUNGÚ tí gaa oó'.› »

ISAYA 22:25 Iomraidhean Croise

WARA'AMI 146:3

Geeraharuusér muu ma harahhifaara', hee mu harahhifaara' asma dír heewo ba/ama i káhh.

WARA'AMI 52:5

Ala Mungú, kuúng u fadu giqáy ay alhhe'eesay wasle. Un dafiit baraá do'ók wa ale, un amór saáw i kwaahh, un hingees baraá yaamaá múk slaáf wa ale.

ISAYA 22:23

Aníng inós un gawdeés adór kiki'ír ta slaáhh dír kawa saxmaár, nee waawuti'iimarós kari ilaiwawaa/ nee doó baabuúwós.

ISAYA 22:24

Nee múk doó baabuúwós nee xwaylarose inós kuri harahhiif, adór xooslár hutli'i nee slooqi'i awa ta tarereé' gawaá mogoolmo.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 48:15

Aníng tí ana oó' nee inós una ateét. Aníng Koreshi nguna huúw, nee diihhooa ga sláy baraá tidá' i tlehhiiti.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 5:17

Aníng kiíng u qwárkwí huúw, nee makaá xaraaslá' kudá' na/iiwók ngi /ayá', nee tiqtír pu/i, tsu/uta nee slaqwara in hardát as iwa hhaamiis. Anuú AAKOÓ MUNGÚ tí aga oó'.»

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.