ISAYA 22:2 - Biblía Axweesantá Hhohho' ar Mungú 2004

² Ahaá asma milá tseeoro yaamu misa gaamisé'? Gixsa aa leexút, ta qwalalaa/, mukhúng kudá' taa tsuú/, kwaa tsu/iiká baraá slaqwarár wa alé, laqaá kwaa tsu/iiká ar paánga.

ISAYA 22:2 Iomraidhean Croise

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 23:7

Gixsarí an gixsár qwal/úwo dír Tiroro, gixsadá' taa tleéhh iimír aáng wa alé, tidá' yaamuloouuseerós ayeemaá sawen gaa aalír eer.

ISAYA 32:13

nee as yaamaá muk'eé' kudá' tinda alti'iít nee fuquráy nee laqaya', maraay kudá' naa hatsiye' múk qwalaala/a, nee as gixsaduudá' qwalaala/á'.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 37:33

«Gawaá adoorihe AAKOÓ MUNGÚ daanduú waawutmoó Ashuruwo i kaahi, ‹Waawutmoodá' i baloó baraá gixsárí dahiiká, tam mahaangw gu baraakií tsaxaariiká, sleeme ni dír gixsarí tseewuyká ar gaambu.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

YEREMIA 38:2

AAKOÓ MUNGÚ i kaahi, «Heé baraá gixsárí meét ku gaas ar paánga, nee ar giyeé nee ar tiqtír pu/i. Kudá' haragwaá' amór múk Kaldayo, slafiingós gu /iis. Tam lawaalmoowo ala slafiingós gwaa /iís.»

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

ESEKIELI 22:5

Yaamu sleémeero awa tsewen nee awa sawene i waaniqiná'. Kiíng umuuwók uga kilók hhitiín, nee gár tawa hats a tlaahhi.

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.