ISAYA 22:16 - Biblía Axweesantá Hhohho' ar Mungú 2004

¹⁶ ‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

ISAYA 22:16 Iomraidhean Croise

IIMU/UUNGW 50:5

‹Án gwa'arar'eé' naa hamát. Bara gwaá', án foolaré' baraá baa'ar'eé' tidá' naa foól baraá yaamaá Kana'ani.› Daxta án pa/ángw i haniisaré' baabuúeé' nguwa foolár aw. Ala án ni kií/.»

2 SAMUELI 18:18

Qoomaadá' Absalomu iwa slafi, uhmo guna tleéhh, guri sihhtís baraá Xatstá Waawutmo, asma ina oó', «Aníng na/oó garma u koomaaká oo tlahhay'eé' gu tleés as tiwa inslaslay.» Uhmoowí guri umií tsaát ku bay, «Uhmoó Absalomu» ay laarí.

2 QOM'I 16:14

Kuri foól baraá baa'adá' aa foól baraá tlaa/arí alé, tidár baraá gixsár Daudi. Kuri qaatiís baraá sandakmoó ta mooyángw daa'awemaá dimbadimbé qamaamín, nee asltá ur kari oohiís as ilaiwa/amerós.

YOBU 3:14

dinkwa nee waawitá nee gurbu'uusér muu, kudá' taangu ngaa inki/isiye' tlehhtuuwo.

ISAYA 14:18

Waawitá sleémeero oo xoordu kuna foliít ar xirif, umuúqo waawutmoowo baraá /aantaarós.

ISAYA 14:19

Ala kuúng tun amór saáwí kwaahh, dír /aantaarók tidár baraá tlaa/aro, adór na/oó taa guruú wa kwaáhh oo ta slaiiká, tuuaarók kan uuntsuus ar tuaá múk ta tsu/aa/iín ar paangadu, kudá' ta /aytisi baraá bohóngw tlaa/e, tuuaarók tari slaqás nee tuuár taa kal/aa/án ar ya'a'.

ISAYA 22:17

Kuúnguusíng /uuruú koóm, ga/aaweek, AAKOÓ MUNGÚ kuúng u kwaahh tari hhiturút. Mungú kuúng un nagwaahh uri tukuuntukaakín,

ISAYA 52:5

Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

Matayo 27:60

Gari qaás baraá baa'aarós ar /aben, tidá' aa foól gawaá tlaa/a as inós. Tlaa/ár yangaariir gari gwangwaraá' gawaá afkú /aantaadá' i aleeró, iri quútl.