ISAYA 22:13 - Biblía Axweesantá Hhohho' ar Mungú 2004

¹³ Ala ga/aawaak kuungá' ana qwalaa/é' tari qasesendé', awe nee bee/aango kiri tsu/é', fu'unaay kiri /agé', nee difaái kari xufé' tari katé', «Qwalaasé', a /ayimaán nee a xufiitaán, asma matlo a qatlaán.»

ISAYA 22:13 Iomraidhean Croise

ISAYA 26:10

Ala tam sla'aari ka tleehhi dír heé tlaákw, inós hotaá ganaa'á' gi baloó ado slayká, tam baraá yaamaá múk hota ganaa'a inós tlakweema giqo tleehh, nee uroó AAKOÓ MUNGÚ gu tsatsahhanká.

ISAYA 29:1

Tsaxwaawók, aá gixsár Yerusalemu, kitángw ilahhooa kawa hanmiisi dír Mungú, gixsadá' Daudi aa xaftós tleéhh. Kureeri i hardarahiyá' nee i waraahhiyá', nee deeloorók ar uren i kumít iwa tleehharumit.

ISAYA 47:8

Gawaá adoorihe, tí iiárií qaaseek kiíngár diihhooár slaa', kiíngadaádá' saxareemár hoot. Kiíng ana ó' baraá muunaáwók i aleeró, ‹Aníng a kilooeé', heé hatlá' oo adór aníng i kaahh aníng a adór kwaalo'órár hootaaká, laqaá tam na/iieé' sleeme i qatliaaká.›

ISAYA 5:11

Tsaxwaaín kudá' matlaatleero tseewa tlatlaawá' as tawa xuftár ay, kudá' dal'aa'atá' xweeraawo, tam difaái iri adór asla tleehhít baraá gur'er'ine.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ISAYA 5:22

Tsaxwaaín kudá' sleémeero xuftár difaái ngi baalá', nee hhawaateedá' ilakaaharen difaáír aa hamat aleedogituuwo.

ISAYA 56:12

Inooín ta kaahi, «Qwalaasé' difaái a leelehhaán, qwalaasé' buurár aa hamat a xufaán, matlo aqo adór laarí. Slamí matlo ar qoomay wasl an ak slawaán.»

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.