ISAYA 21:8 - Biblía Axweesantá Hhohho' ar Mungú 2004

⁸ Aluuwo xuumusmoodá' iri tseé', i kaahi, «Aáko, aníng ana gawaá /aampár wa sihhmamiít, ana xumaamiís tlaatla/aangw sleémeero, xuumár xweera sleeme ana óh.

ISAYA 21:8 Iomraidhean Croise

2 QOM'I 20:24

Qoomár slaqwaruusér Yuda tawa hardáh dír /aampadár xuuma, tidár baraá xaanxaay, tawa qaytsiít amór wakuuser'ín, gár taa ár a tu'u yaamu ngaa dalaa/iyé', heé aa meet tumu wák i kaahh.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 63:6

Bura insláw baraá qatanir'eé' wa ale, kuúng un aldakuút xweera sleémeero.

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

YEREMIA 25:38

AAKOÓ MUNGÚ mukós gwa tawo geexáy, adór diraangw mar'irós ngir tawo gixaaxay. Yaamuuín naa deewaaiyé' asma slaqwarár mukdá' gi baramaanuús, nee as buhhtaá xaraaslá' awa AAKOÓ MUNGÚ.»

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.