ISAYA 21:4 - Biblía Axweesantá Hhohho' ar Mungú 2004

⁴ Inslaway'eé' i amoqwaqwadín, daér yaariir iga eér, tsiindo in daamaraám, ala niwa hardihiyé' ana ak daaraáx.

ISAYA 21:4 Iomraidhean Croise

1 WAAWITÁ 1:49

Aluuwo dahaayeedár Adonia sleémeero iri daaraxát, umuú heewo iri tláy.

ESTA 5:12

Hamani iri kumiít axweesanto iri oó', «Waawuto'o Esta heé hatlá' oo aa dahi'ís baraá muruú /aymár i ale dinkwa nee waawutmo i kaahh, aqo har aníng kilooeé', tam matlo sleeme iga malé dahi'ís dinkwa nee waawutmo.

WARA'AMI 55:5

Dae iga daaraxár eér, nee hor/i iga gás.

WARA'AMI 55:6

Nari oó', «Hhampe'eeraá adór kuqaá hhooki geera bir koóm, geera a /akuút amorqá' saaw nay hungu/uús.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 51:39

Inooín hheehhár /ayma gi eér, aníng ngiri muruú /aymár úr i amohhe'eés, inooín ngiri xufitiís nay ta/amitiyá', inooín tan guu' ta daarkitiiká, nee sleeme ta baloó tlayká. Anuú AAKOÓ MUNGÚ tí ngina oó'.

YEREMIA 51:57

Aníng geeraharuuseerós nee múk sageloene u xufiitiís, nee ga/aawuuseerós nee geeraharuusér slaqwara nee miguuseerose. Inooín tan guu' ar gu'utér tawa daarkiitiiká, nee ar tleemu wasl. Aniíduú waawutmo, umuueé' a AAKOÓ MUNGÚ Aleesleemusmo, tí ngana oó'.

DANIELI 5:1

Looarka wake waawutmo Belshasa muruú /aymár yaariír oo múk kumér yaariir guna qaás, nee difaái ngiri xufiyé' dinkwa nee mukdá' didií dirií'.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

DANIELI 5:5

Naxés hamtidár kilae, ditsaá dákw hee niri ti'iitiyé' niri gooíné' gawaá na/amisuú koo/ír doó waawutmo, didií ló'wa gwa/át, nee a afiqoomár tsa'aasi. Waawutmo dakwdá' qoomár iwa gooin guna ár.

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

DABE 28:67

Muunaawók daeero in háts umuú gár taqo aanda. Matlaatleero an o', ‹Uúw! Laarí iqo dáta!› Tsiindo birna xayé' an o', ‹Uúw! Laarí iqo tleéra!›

DABE 32:11

Adór gwareesír doó na/iiwós xuum, tidá' harweeririim gawaá na/iiwós ar aleeró, hhampe'eeriwós ngiwa gwét, as na/iiwós ngiwa umiin, nee ngiwa hhaampi'iiwós ar gagariin,