ISAYA 21:3 - Biblía Axweesantá Hhohho' ar Mungú 2004

³ Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 21:3 Iomraidhean Croise

WARA'AMI 48:6

Daaraxaay giri áy didaádí ale, tari daandeemo feehhamiít daero, slahh'amuú adór kuquú /ameenír xwayla nguri slayé'.

ISAYA 13:8

Inooín niri amoqwaariyá', niri dae feehhamiitiyá' nari /araaraná', slahh'amuú yaariír gi sláy adór kuquú /ameenír asltá xwayla gaa al'ot. Umuú heewo iri puungahhamkár qaytsiit amór kuqá', gitsee/er'ín iri sloo/amít kwaáo asla gina tsaara'ás.

ISAYA 15:5

Aníng a /aa/amiím as yaamaá Moabu, mukós aa tiaaín ay Soari, aa tiaaín ay Eglat-shelishiya, mukós i tsa/aa/án amór Luhiti, ta hara /aa/amín, amór loohír Horonaimúr kawa, mukós i /aa/aamín as qwanaay.

ISAYA 16:11

Gawaá adoorihe, muunaáeé' i /aa/amín as Moabu adór tarumbeéta, nee hhiintlueé' i /aa/amín as gixsár Kiriheseri.

ISAYA 16:9

Gawaá adoorihe, aníng a /aa/amiím dinkwa nee Yaseri as sabiíbuú Sibma, aga hhuuntsuumiít /aa/eewo as kuungá' kuungásingá gixsadaá Heshboni nee Eleale, ururu'umisuduú qoomár fiiqit aa faák.

ISAYA 26:17

Adoodár /ameenír qoomár xwayla gaa eer i diri', iwa tonganus nee iwa /aa/amiin as asltá xwayla, an adór atén kuúng tay tléhh, aá AAKOÓ MUNGÚ.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 49:22

Ga/aaweek, wakusmo i gáwtí /akuut adór gwareesi, nee ar hhampi'iiwose gixsár Bosra gari tuuntuuk. Baalaarihe munér pihhuusér Edomu dae gari hatsís adór /ameenír dír asltá xwayla.»

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 6:24

Múk Israeli tari oó', «Atén kangw'ín ugwa axaasaán, dabaarén na tsatmiitiyé', amotlakwe taa sleér, slahh'amuú adór kuquú /ameenír xwayla taa sláy.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Yohana 16:21

/Ameeni in gurhaamút deelór xwaylarós binda xeér, asma slahh'amuuduú siiwár xwayla. Ala bira xwayluúr, slahh'amaayeedá' ga insleeraaká, asma qwal/uudá' na/aay kuwa sláy baraá yaamuwo.

DABE 28:67

Muunaawók daeero in háts umuú gár taqo aanda. Matlaatleero an o', ‹Uúw! Laarí iqo dáta!› Tsiindo birna xayé' an o', ‹Uúw! Laarí iqo tleéra!›

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.