ISAYA 21:2 - Biblía Axweesantá Hhohho' ar Mungú 2004

² Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 21:2 Iomraidhean Croise

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

WARA'AMI 119:158

Múk kuúng u haratlintatiaaká bura ár u ló'wa sla'aaká, asma hara'ayarók ngaa oohi'iiká.

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

WARA'AMI 79:11

/Aa/aá kuká' taa tsegiít u i hardihiye', ar /uuruuwók oo ure ba/amisek, kudá' sakwasleemar'ín taa tsaát kiwa tsu/i.

AXWEESANOÓ SAGALOOA 13:15

Heé inslawaay hhó' ku waatlakwees, Ala loohír múk inkihhimu wásl a hhituru'uumar'ín.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 14:4

baldá' kuungá' waawutmoó Babuloni kuri kooyiindá' ar girayduuwí, «Xáy baramaanusámo, adór tura xasltís, kuúngudá' xaraásl, adór tura baraá dewa'ameérí xasltís.

ISAYA 14:7

Hám daxta yaamu sleémeero naa xasliitiyé' nee ki amohhoo', yaamu sleémeero bara/ nguna ii tlayé'.

ISAYA 22:6

Slaqwaruusér Elamu tlaangasuuín ngwa ót, dinkwa nee gaarduudá' faras i uuruxuna, nee mukdá' faras ngwa i tsa/ani, nee slaqwaruusér yaamaá Kiri gaambuín ngaa amohhe'és.

ISAYA 24:16

Afór xirfayeemis ana axaasaán iimír ku/uyaá doori, afór xirfuú kudá' gan'amuú koóm kuwa xirfayeemisi. Ala aníng ana oó', «Aníng aga slaqwa tlakúw, aníng aga slaqwa tlakúw. Tsaxwaeé'!» Asma múk al/agiím al/aymaaro tan ak kumiit, al/aymuuse in ak ló'wa kumít al/aymaro.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 25:25

Waawitá sleémeero oo Simri, nee oo Elamu nee Media.

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 31:25

Kudá' naa slaaqamiitiye' slaaqamayer'ín aa fák, kudá' naa diqay tsatmiitiye' i /uurií haniís.

YEREMIA 45:3

‹Kuúng a kat, tsaxwaaeé', asma AAKOÓ MUNGÚ gurhaami ngaa doók gawaá daanduú slahh'amuueé'. Aníng gurhaami iga slaaqatís tam dír amohhoo' a slaslawaaká'.›

YEREMIA 49:34

Aarusmo Yeremia axweesantá AAKOÓ MUNGÚ gana axaás daanduú múk Elamuwo, qoomár Sedekia waawuti'iima ngiwa iimu/úngw baraá yaamaá Yudawo.

YEREMIA 49:35

AAKOÓ MUNGÚ Aleesleemusmo i kaahi, «Aníng ga/alér múk Elamu a geeqáw tidá' /uuruuín gu gáwtí koom.

YEREMIA 50:14

Ti amohhe'ese' Babuloni kawa harweda', kuungásingá' sleémeero tlaqutuú baalá', tlaqutaak, miwa mahaangw meét. Asma AAKOÓ MUNGÚ ngwaa sadakuusiyé'.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

WA/AA/I 1:22

«Alók tlehhmi'ii'ín kudá' tlakw sleémeero nin geeraawók i hardihiyá' nee kiri sakwasleemút, adoodá' kuúng aníng ira sakwasleemút as tlakweemaaeé' sleémeero asma /ifor'eé' ka yaariir, nee muunaáeé' i /araarán.»

DANIELI 5:28

PERESI, a waawuti'iimarók aa qasít dír múk Medi nee múk Persia.»

DANIELI 5:9

Naagáy waawutmo Belshasa iri ló'wa daanda feehhiít nee kalaywós iri warqáy tam bariiseerós iri amooqwát.

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

DANIELI 8:20

«Gwaanduudá' xareemaá tsár koóm, kudá' kuúng taa aán, a waawituú múk Medi nee oo Persia.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

1 SAMUELI 24:13

Adoodá' múk bál qaro ngira oó', tawa kaahi, ‹Baraá múk tlakwe gár ti'imiit a tlakweema.› Ala aníng dakw'eé' ngu gawaawók i looloqoosaaká.