ISAYA 21:1 - Biblía Axweesantá Hhohho' ar Mungú 2004

¹ Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 21:1 Iomraidhean Croise

YOBU 37:9

Bambaao ni baraá do'ós wá haratleér. Nee tsaaqwár qo duhhúm nin baraá kuuntirós wá ti'ít.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 14:14

Aníng an tsa/ám gawa, huunkáy nguri baá/, aníng tari slaqás nee Munguúdá' gáwtí dirií'.›

ISAYA 14:23

Gixsarí samti gari ál, iri tlahheesá ma'aay tleehhít, aníng ngiri fiíts ar fiítsír ngir hhaamiis. Anuú AAKOÓ MUNGÚ tí an káh.»

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

ISAYA 5:28

Maheeri'ín ki afe ngwatsayen, ga/alduuín ngaa gawdeesiyé'. Fuqeenaá farsuuín ki gawden adór tlaa/e, /angegeeamaá gaarduuín adór ir tii'ina' a adór bambaao.

YEREMIA 51:1

AAKOÓ MUNGÚ i kaahi, «Ga/aaweek, aníng fur'a an dúk ar Babuloni ga hhitiim nee yaamuloouusér Kaldayoro.

YEREMIA 51:42

Tlawi naa haratleér amór Babulonírí ale, Babuloni kaa tuuntuúk nee /ur/urtá gwaanduú ma'aay.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 30:11

Nebukadnesa inosuú kilá' dinkwa nee mukós a xoordaá xaraaslá' ta ak xoordaá hatlá' sleémeerowo. Kingi ya/aaw as yaamaá Misri kiwa hhaamisi. Paangaduuín ngi taataahhiyá' as yaamaá Misri, nee yaamaá Misri ngiri hatsiisiyá' tu'uwo.

ESEKIELI 31:12

Múk xoordu oo ló'wa xaraásl sahhtidá' ngi tsatiyá', nee ngiri yaamií kwahhiyá', nee kari geexáy. Haleemoowós niri yaamií huuhu'uná' gawaá tlom'ií alé nee baraá xatso, nee baraá mapeeraá ma'aay nee yaamu ngiri dalaa/iyá' sleémeero. Muu sleémeero didár mahhtirós ngiri geexayá' nee ngiri mayá'.

ESEKIELI 38:9

A ta'aaiín adór bambaao, nee daanduú yaamu kuri tuuntúk adór huunki, kuúng kilók nee slaqwaruuserók sleémeero nee xoordaá hatlá' kudá' awa dinkwa nee kuúng.›

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.