ISAYA 20:6 - Biblía Axweesantá Hhohho' ar Mungú 2004

⁶ Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »

ISAYA 20:6 Iomraidhean Croise

YOBU 22:30

Inós heé daba' hhohhó' gun ba/amis. Tun ba/amis as kuúng tuwa xaslxaansli wásl.»

YOBU 6:20

Kin buhhtamis as harahhifór tawo, tan hardah duxeedá' tari qa/iimiit.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

YEREMIA 30:1

Axweesantá AAKOÓ MUNGÚ Yeremia gana axaás, i kat

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

YEREMIA 31:1

AAKOÓ MUNGÚ i kaahi, «Qooma i hardát ar aníng tawa Munguú tlahh'aá múk Israeli, nee inooín tari muk'eé'.»

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

Matayo 23:33

Kuungá' a dayshe, slám a na/aá daysheedá' uren. Kuungá' sakwasleemár baraá asltá baloó gwa'aaká adór kar ilagoba' a adoomá?»

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.