ISAYA 20:4 - Biblía Axweesantá Hhohho' ar Mungú 2004

⁴ gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

ISAYA 20:4 Iomraidhean Croise

2 SAMUELI 10:4

Naagáy Hanuni ya/abuuseedár Daudi gari ohín, giri daamór bartá wák deequút umuúqo heewo, inqwaruuín guri feehhamiís ay gawaá gwe'eede, giri geemáy iwa tlaya' amor'ín ar ta slai.

1 QOM'I 19:4

Naagáy Hanuni mukdá' Daudi aa ya/aáw guna ohín, gway daamoó deequút, tlabaaín giri dír afeetleérí tlaáq, gwe'eede gay tsee/áy máy, giri geemáy.

ISAYA 19:4

Aníng múk Misri nguri haniís dír heé tlaákw, waawutmoó xaraásl giri sawaawuti'ín, Anuú Aako, AAKOÓ MUNGÚ Aleesleemusmo tí an káh.»

ISAYA 3:17

Gawaá adoorihe anuú Aako /ameenár Siyoni an slaáhh ar sager'ín deei ngiwa uhiin, se'eemer'ín an deéqw, Anuú AAKOÓ MUNGÚ inooín ngiri /ankweetsiís.»

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

ISAYA 47:2

Tlaa/ár xoosliingw taatahheek, balaangw xoosleek, tlabaawók kudá' tira tuuntúk hingeseek, tlabaawók waatleseek, tlabaawók gáwtí ooheek, yau waarahheek.

ISAYA 47:3

Muu /ankwetsuuwók gu ar, alsi'imuuwók kuri ar. Aníng li/aay u buú', aníng heé ni gurtlaw i kaahh.

YEREMIA 13:22

Kuúng bara baraá muunaáwógií ó', «Ahaá waáy, gár kaangwí isa sláy?» Asma tlakweemadá' ur taa tléhh, an gár tusa /aankweetsiís, nee an gár tusa óh ar /uuru.

YEREMIA 13:26

Gawaá adoorihe anuú kilá' tlabaawók in waatleés ay gawaá saga, nee mureekesaywók muu guri ar.

YEREMIA 46:19

Kuungá' yaamuloouusér Misri, ti amohhe'eese', nee xooslarhúng tseegaak as loohaay. Asma gixsár Memfisi ka xaanxay tleehh, tari taangwá muu i hootiiká.

YEREMIA 46:26

Aníng inooín i qaás baraá dabaá kudá' slafingw'ín ngu leelehhitá', nee baraá dabaá Nebukadnesa waawutmoó Babuloni nee geeraharuuse. Aluuwo yaamaá Misri kiwa hoot adoodá' aáng i dirii'iya'. Anuú AAKOÓ MUNGÚ tí ngina oó'.»

ESEKIELI 30:18

Amór Tahafnesi tlaatla/aangw in xweera tleehhiit, qoomár bar aleesleemuú múk Misri ugwa hhitiím, nee daara/aangós kudá' úr un suqúw. Huunkáy yaamaá Misri giri tuuntuuk nee dasuuwós kuri loohatis.

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.

SEFANIA 2:12

Kuungá' múk Kushi sleeme tundu tsuu/ ar paángár AAKOÓ MUNGÚ.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.