ISAYA 20:2 - Biblía Axweesantá Hhohho' ar Mungú 2004

² qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

ISAYA 20:2 Iomraidhean Croise

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

2 SAMUELI 6:20

Daudi niwa waátl amór múk do'ós, as nguwa tsuuqi, Mikali, dasír Saulo guri al'eér iri ó', «Waawutmoó múk Israeli kuwa xiríf a adoomá laarí, gár slaamá' gari tleéhh, /ankwetsuwós guri laqán geeraá sagadiyuusér waawutmoó wa ale, slaqás nee mukduú barawasluse, kudá' /ankwets gu gaárí xuaaká dír ilaá muko.»

2 WAAWITÁ 1:8

Inooín tari oó', «Heedaádá' hiyoó se'éngw koóm guna dahaás, nee himuú kaahari i gawaá afeetlaawós.» Waawutmo iri oó', «Heesíng xaa a Eliya kuduú Tishbe.»

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

TI'INAANGW 3:5

Aluuwo Mungú guri báy, «Ma diirí tseewuwaar. Ya/ataawók duuxeek baraá ya'aawoge, asma diirí kuúng tawa sihhmit a dír hhoohhoo'.»

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 37:2

Eliakimu kuduú sagesihhtusmoó doó waawutmo guri ya/aáw dinkwa nee goousmo Shebna nee kaahamuusér Mungú ar uren tawa daqay amór aarusmo Isaya garmoó Amosi, inooín guniyadu ngaa tsiitiyé'.

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

ESEKIELI 24:17

Ala tawo quruú/, ma tseeaar. Heewí aa gwaa' mu sa tsuunqusaar. Ya/ataawók dahaaseek, nee warqamoowók oo saga tseegeek, afkók mu lu/aar, laqaá muruú /aymár tsuunqumis mu /ayaar.»

ESEKIELI 24:23

Warqamaá sagerhúng in tsegá' nee ya/atahúng in dahasá'. Kuungá' a tsuunqusa'aaká, laqaá a /a/a'aaká. Slám kuungá' tari hhimaamiá' as tlakweemaahúng, tiri kiloohúng i qununu/á'.

ESEKIELI 4:1

«Heewí, matfaalmo taataahheek, dír geeraawók ti qas, naagáy gixsár Yerusalemu ka gawaadá' i gooiín.

ESEKIELI 4:5

Aníng kuúng ugwa deeloórí qoomeés. Deelór naa haniís a tsiire tám nee mibeeri gwaleél. Gaarí an hariímár qoomár sakwasleemar'ín. Baalár wák i qoná' nee kurkú wák. Sakwasleemár múk Israeli an gagát.

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

MIKA 1:8

Gawaá adoorihe aníng a tsuunqumiís niri /aa/amiím as kaangwí, tsitay'eé' un duúx niri hi'iimiít ar /aankwets, niri tsuunqumiís adór iintsaawér wa alé, nee niri /aa/amiím adór sakwel.

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 3:4

Yohane tlawuú aa tsiít kuna tleéhh ar se'éngw angamía, nee afetloowós a himuú kaahari, nee muruú /aymaarós a ingigi nee danuú darma.

Yohana 21:7

Eeharusmoodá' Yesu i sla'aa'an Petro guri báy, «Hee a Aako.» Nee Simon Petro adoorí ngiwa axaás, adór hee tar Aako, inqwaarirós gari tsiít, asma inós geera a /aankwets, iri /akuút baraá ma'aay.

Tlehhema'aá ya/Abuuse 19:16

Heedaádá' neetlaame aa eér, inooín giri hara/akumiít, giri aleesláy giri ar baá/. Niri baraá do'dá' wa /akumiitiyé' ar /aankwets, amorqaáqae kaa tseeru'umaamiís.

Tlehhema'aá ya/Abuuse 21:11

Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', «Qeeruú hhoohhoó' oo Mungú i kaahi, ‹Adoorí an adór heé himuuwí kur tseegi nee múk Yahudi oo Yerusalemu nee kuri qaas baraá dabaá múk xoordu.› »

YOSHUA 5:15

Geraharusmooduú malaykér AAKOÓ MUNGÚ Yoshua guri báy, «Ya/ataawók duuxeek, asma diisíng ti sihhít a dír hhoohhoo'.» Yoshua adoodá' kwa báy gari tleéhh.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

1 SAMUELI 19:24

Inós tlabaawós gina duúx, iri aarín dír geeraá Samueli wa ale. Xweera nee tlaatla/aango ku tlaba' wásl. Gawaá adoorihe, muu tiri yaahamiís kilooín ale, «Xaysé', Saulo sleeme a aarusmoówo?»