ISAYA 2:9 - Biblía Axweesantá Hhohho' ar Mungú 2004

⁹ As adoorí umuú heewo ku amoqwaarees, hhawaate ki mureekees, gawaá adoorihe, inooín mi gurtlawaar.

ISAYA 2:9 Iomraidhean Croise

NEHEMIA 4:5

Tlakweemaín mi baloó lu/aar tam tlakweemaaín mi fiitsaar, asma kuúng ugwa buhhtisiyé' dír geeraá múk doó tleéhh wa alé.»

WARA'AMI 49:2

Múk urén nee múk ninakwe sleémeero, daqaare nee narkuuteero.

WARA'AMI 59:5

AAKOÓ MUNGÚ, Munguú Aleesleemusmo, Munguú Israeli, tlawáng, xoordu sleémeero slahheek, kudá' tlakweemaá tlehhiitá' mi gurtlawaar.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 5:15

Umuú heewo ku amoqwaarees, hhawaate ki mureekees, mukdá' ti gáwtí tleemiís ku baráy ki/is.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

Marko 3:29

ala heé Qeeruú hhoohhoó' oo Mungú gwa /ooslin, tlakweemaawós ki baloó gurtlayká, inós tlakweemaá ta baloó gurtlayká ay alhhe'eesay wasle gaa tleéhh.»

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:23

Bir ga/eér kwaáo a adór múk sageeloén. Asma inooín malayke ngin firiiriná', nee ti kilooín niinaweemiisiyá' ar al/aymár tawo. Slám slaqooín ngin slahh'eemisiyá'. Ala tí sleémeero a gadiyér tawo, asma bira fák, aqo ilatleerír tawo ar kángw slaqo ngin boo/eemisiyá'.

YOSHUA 24:19

Ala Yoshua mukdá' guri báy, «Kuungá' AAKOÓ MUNGÚ sagadiyede u asleera'aaká, asma inós a Munguú hhoohhoó'. Slám a Munguú da/itá koóm, nee inós tlakweemaahúng nee dakumisuhunge gi gurtlayká.