ISAYA 2:8 - Biblía Axweesantá Hhohho' ar Mungú 2004

⁸ Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 2:8 Iomraidhean Croise

1 WAAWITÁ 16:7

Slám axweesantá AAKOÓ MUNGÚ daanduú Ba'asha nee do'ose Yehu gari axaás, garmoó Hanani, asma tlehhma'aá tlakw kudaá Ba'asha aa tleéhh geeraá AAKOÓ MUNGUHE, guri mune duúx ar tlehhmi'iiwós kudá' aa tleéhh, asma inós Yeroboamu guna aleealuús, nee doó Yeroboamu guri qwaareés.

2 WAAWITÁ 17:10

Gawaá umuú gongoamoowo nee dír kiintuú loo/ór naá/ koóm, uheemaá tlaa/e nee murslaaqatuú munguúduú /ameeni ta bay Ashera nguna tleehhiyé'.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 QOM'I 27:2

Inós tlehhma'aá hho' gina tleéhh dír Munguhe, adoodá' baabuuwós Usia aa tleéhh, ala inós aa dahiiká baraá Doó AAKOÓ MUNGÚ. Ala muu tlehh'maaá tlakw tlehhtuuwo ina kumiít.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

ISAYA 26:13

Aá AAKOÓ MUNGÚ, Munguúrén, bariisér hatlá' atén tina balít, ala atén kuúng kilók un lamabu'umaán tawa Munguúrén.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 40:19

Inós nee slaqsi'iidaá mungui taa dakuút ti slay'aaká. Slaqsaydá' taa sliík ar sahaábu nee tlaatlawtá taa muqslír /awaákár tleéhh.

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 57:5

Kuungaásingá' ilatleeri na al'ot baraá xaa'aá ti'itú wa ale, dír qo umuú qamuú xa'anoó loo/o naa/e. Kuungaásá na/iihúng tsu/á' baraá xatsoó wa ale, ngiri ilahhooár wa hanmisá' baraá mar'ór tla/ú wa ale.

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

MIKA 5:12

Aníng tam da/ariwók i hingeés baraawoge, ngay faák. Tam mukók kudá' iigu'utuú ara'ár ta baloó kumiitiiká.

Tlehhema'aá ya/Abuuse 17:16

Paulo Sila nee Timoteo giri Athénér wa dán. Gixsadá' gari ár naxés aa háts slaqsa'aá munguaá hatlae, iri ló'wa gurhaamuút baraá muunaáwose.

DABE 4:28

Amoodaádae munguaá taa xaaír tleéhh nee tlaa/e kiri sagadiyusá', kudá' handá' awa gadiyér dabaá muu, inooínaadá' xumisa'aaká, laqaá axamisa'aaká, laqaá i /ayna'aaká, laqaá i tsaa'amina'aaká.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.