ISAYA 2:7 - Biblía Axweesantá Hhohho' ar Mungú 2004

⁷ Slám yaamuuín peésa nee sahaábuwo naa hatsiyé', nee alhhe'eesoó slasláwar'ín i kaahh. Yaamuuín naa hatsiyé' farsuuwo, nee gaardaá farsuuín i alhhe'eesoó kon'aaká.

ISAYA 2:7 Iomraidhean Croise

1 WAAWITÁ 4:26

Solomon maraá faras ngi kon a kume mibeeri tsiyáhh nee gaardaá faras i uuruxuna' nee gaarduine, nee múk faras ngwaa i tsa/an a kume mibaá nee tsár.

YOBU 3:15

Laqaá geeraharuusér sahaábú koóm, kudá' mari ngaa hatsisiyé' ar muqslaadár peésa.

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

ISAYA 57:17

Ina i buúhh asma tlakweemaaín nee as ilatleerir'ín ngiri muúx, niri nahhaát, as niwa buúhh. Ala nina ak kumiitiyé' loohir'ín tidá' i slaiya' eeharahaduwo,

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

MIKA 5:10

AAKOÓ MUNGÚ i kaahi, «Qoomaadae farsuuwók oo slaqwara un hingeés diroge, nee gaardaá slaqwara ngiri hhitiím.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»