ISAYA 2:3 - Biblía Axweesantá Hhohho' ar Mungú 2004

³ Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 2:3 Iomraidhean Croise

ESTA 9:27

Múk Yahudi deeloorí tsár gari qaás tawa dawa dir'ine nee dír na/ii'ine, nee dír mukdá' sleémeero aa dir'ín i haragwaa', matawa baloó slaaqaát deeloorí tsár inslaslaango qoomaarós bira xeér, umuúqo kurko, ar adoodá' Mordekai ngira gooín.

WARA'AMI 102:23

AAKOÓ MUNGÚ /uuruueé' gwa /aareés. Deelór slafingw'eé' gaa hartsaát.

WARA'AMI 110:2

AAKOÓ MUNGÚ hhartók ar aleesleemuú waawuti'iima ngi haniis Siyonír wa ale, iri ooi, «Waawuti'iím baraá wakuuseeroge!»

WARA'AMI 119:171

Xirfuuwók u alki/iít ar afkwe'eé', asma iga intsaahhatís kaahiroge.

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

WARA'AMI 48:1

AAKOÓ MUNGÚ ku úr, i harín kuwa ló'wa xirfayeemisi, baraá gixsár Munguúrene, gawaá tloomarós tidá' hhoohhooe.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 19:23

Baalaadae loohír ur ni Misrír wa tleér ay Ashuru, múk Ashuru nee múk Misri tiri haraxaxayá'. Múk Misri nee oo Ashuru Mungú nguri dinkwár sluufmiisiyá'.

ISAYA 28:9

Inooín aníng in niqimiisiyá' iwa yaahamisiya', «Heé i intsaahhatisi a heemá? Heé i ya/abtoórí ooi a heemá? A na/iidá' naa sangw /oní'i? Kudá' taa sangw iseemaá /íti?

ISAYA 44:5

Oo wák iri ooi, ‹Aníng oo AAKOÓ MUNGÚ.› Kooko in ooi, ‹Aníng oo doó Yakobo.› Oo hatlá' /aymuuwí guri gawaá dakós i gooín, ‹Anuú doó AAKOÓ MUNGÚ.› Umuú tlahhaywós guri bay, hhay Israeli.»

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 65:11

Ala kuungaádá' AAKOÓ MUNGÚ ugwa sie', kudá' tloomar'eé' tidá' hhoohhoo' aga gunqaarese', kudá' muruú /ayma ngwa amohhe'eese' dír Munguúdá' ta bay ‹Gitsee/aá Hhooá'.› nee kudá' slooqomo ngu hatsimiisá' difaáiro as Munguúdá' ta bay ‹Gitsee/aá Tlaakwá'.›

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 10:33

Nee hamtidár kilae án muu nguri ya/aáw ay amoorók. Nee kuúng adór hhoo' aga tléhh niwa hardát. Ala hám daxta atén sleémeero a dír geeraá Mungú i diriiaán, as tidá' sleémeero ar Aako naa kuúng i hara'ayín kawa axaasaan.»

Rumi 10:18

Ala aníng an yaahaás niwa kah, «Inooín Ya/abtoodá' kaa axaasiikáhe?» Aasla'áy, inooín kaa axaás, asma Gooi i kat, «Afor'ín kaa axaás baraá yaamu sleémeerowo, nee axweesanay'ín aa hardáh ay alhhe'eesoó yaamu.»

DABE 33:19

Inooín muu kun ateet gawaá tlom'ii'ín, nee amoodae muu giri ilahhooár ganaa' ar muruú ta tsú/í hanmiis. Asma daqaari'iimar'ín ngi baraá tlawtá wa slayá', nee muruú yaariír oo taa luú/ ngu baraá hhasángw afaá tlawtá slayá'.»

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

Yakobo 1:25

Ala heé hara'ayár ganaa' gaa i qaytsiit, tidár muu gu gweer baraá lawaali'iimaaro, nee iri baraadá' wa hoot, heedaádá' tidá' aa axaás ga gunqareesiiká, ala a gan tlehhiit. Heewí daqaní a heé amohhoó' baraá tidá' sleémeero i tlehhiiti.