ISAYA 2:2 - Biblía Axweesantá Hhohho' ar Mungú 2004

² Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

ISAYA 2:2 Iomraidhean Croise

IIMU/UUNGW 49:1

Yakobo daaqaywós guna ateét guri báy, «Burumburité' dinkwa, asma muruudá' kuungá' nu sláw, nguwa dirhúngí oo'.

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

WARA'AMI 102:23

AAKOÓ MUNGÚ /uuruueé' gwa /aareés. Deelór slafingw'eé' gaa hartsaát.

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

WARA'AMI 86:9

AAKOÓ MUNGÚ, xoorduudá' sleémeero kuúng taa tléhh u i hardihiyá', kuúng turi i tumbararaa'amiit, umuuwók kuri xirfayemiis.

WARA'AMI 87:1

AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 65:11

Ala kuungaádá' AAKOÓ MUNGÚ ugwa sie', kudá' tloomar'eé' tidá' hhoohhoo' aga gunqaarese', kudá' muruú /ayma ngwa amohhe'eese' dír Munguúdá' ta bay ‹Gitsee/aá Hhooá'.› nee kudá' slooqomo ngu hatsimiisá' difaáiro as Munguúdá' ta bay ‹Gitsee/aá Tlaakwá'.›

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

ISAYA 66:23

Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 3:17

Nee qoomaadae gixsár Yerusalemu ka bay, ‹Kitángw aleesleemu oo AAKOÓ MUNGÚ.› Nee xoordu sleémeero niri burumburitiyá' dír geeraaeé'. Adoodá' tlaakw muner'ine ta slai ngi eehariaaká.

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 31:12

Nin hardihiyá' ar afór daa'aangw gawaá tloomár Siyoni. Nee hhooeemaaeé' kin saqwalalaa/, anuú AAKOÓ MUNGÚ. Hhooeemaaeé' kudaá balaangw nee difaái nee di/i, tidá' ni hanmaamiis, nee bee/aangw nee hikwa. Inooín an adór asalmoó taa eemamiís ar ma'aay, inooín gár kiwa /aár i káhh.

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

YEREMIA 49:39

Alaá kaangwihe. Aníng gixsár Elamu a diihhooarós i ki/ís. Anuú AAKOÓ MUNGÚ tí ngina oó'.»

YEREMIA 51:44

Aníng munguúdá' ta bay Beli oo Babuloni u sakwasleemuút, nee gadaádá' aa guú/ aníng ngin kwarkwaár ngiri waa/. Xoordu i malé kumitiaaká daqaqángw amoorose, koo/ír Babuloni aa hú'.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

SEKARIA 8:22

Múk yaariír nee xoordaá /uureemaá koomá' ni hardihiyá' ay Yerusalemu as anuú AAKOÓ MUNGÚ Aleesleemusmo iwa leelehhiya' nee iwa harhheehhe'eesiya' as ngiwa gurtlaw.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

MALAKI 3:12

Múk xoordu sleémeero kuungá' nuri tsaahh adór tundura tsuúq nee Aako, asma yaamuuhúng ki hhoohhoo' ló'wa alé. Anuú AAKOÓ MUNGÚ Aleesleemusmo tí ngina oó'.»

FAARO 24:14

«Aníng hamí an kií/ amór muk'eé', ala dír nira tlawiiká, muruú mukdá' i tleehhi dír mukók baraá de'emaá hi'iita'a ngu oó'.»

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

2 Timoteo 3:1

Ala axweesanaywí xueek, bál deelór alhhe'eesaay binda naká/, qoomár slafíngw gawít i hardát.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.